اقول ابي ابكي وانا بكيت وخلاص
وانتهى امري ...

لاتخفون علي مافيني الا الخير بس ما اشكي همي
قهرني زوجي وانا ما اقدر اشكي لأحد حتى هو
من قبل كان أي شيئ في خاطري هو السبب فيه اشتكي له بس هالحين لا
تدرون ليه ...؟؟

يوم من الايام فاجأني يشتكي مني لي
ان شاء الله فهمتوني
يقول مافي احد يشكيله مني حتى ربعه ما يقول لهم شيئ
وهو مثل ما تعرفون توفو امه وابوه مابينهم الا اسبوعين
يعني ماله احد في هالدنيا الا انا واخوانه الثلاث واخته

عموما قلت خلاص مهما يصير ما اشتكي له لو شنو يسوي
بس والله ان نفسي مو على كيفي وما املكها في يدي

اول امس يعني يوم الخميس
كانو اغلب اهلي راحو البحر
قلتله نبي نروح معهم وبعدين ننعزل عنهم اذا مابغيت تجلس معهم
ما وافق وقال نروح الاسبوع الا بعده
رغم ان لي شهور ماسفرت احس بنفجر
وبي بركان يغلي بيدمر كل شيئ

قلت مو مشكله
راحو اهلي ولما جلس يوم الخميس
قال بيطلع عنده شغل
هو طبعا كذاب لانه بيروح القهوه
ولا تقولون شلون عرفتي
المهم بيطلع على قولته نصف ساعه وبيجي
ظل قرابة الساعتين او اقل
ماني داريه وش الي صار فيني
ارتفع كل دمي في راسي
وجعني بطني وحسيت اني بجن فعلا
ابي اطلع بنفجر بعد ما خلاني اروح مع اهلي
وطلع وخلاني
ولا تقولون يعوضك
لانه من المغرب الى الساعه وحده بالليل يكون بره
اول يروح المكتب وبعدين لربعه ليه ما يخلي شغله في هالوقت عنده قرابة 7 ساعات
قالت اختي بتروح محل في السوق قلت له بروح معها
قال انتي ما تستحين تروحين مع اختك وزوجها
انتي وانتي صرخت وقلت ابي اطلع هالحين ابي اطلع
قال بجي صاير سواق لك

شلون سواق لا راضي اروح مع اهلي ولا راضي اروح مع اختي
ولا ولا ولما اقوله بطلع انا سواق عندك
ياربي حاسه بنجر ماني داريه ليه اول مره يصير فيني كذا بس حسيت انه اناني
رجع بعد ربع ساعه وطلّعني تمشينا بالسياره وكل واحد ما يكلم الثاني
وشرى غدا بس بعد شنو
انا مليت والله مليت
ابي اشكيله هو بالذات لانه هو الي متعبني
فعلا حاسه بالتعب الى اليوم
بس خايفه يردد اسطونته انا مافي احد اشكيله منك
وانا وانا والله بعد هذا كله احيانا هو يكسر خاطري
بس مو هذا جزاي وانا مدللته والله ان حتى يوم الاربعاء
كأن تونا متزوجيين
وفي الاخير هذا جزاي
والا زاد الطين بله
يوم الجمعه ماراح يصلي بالمسجد ويمكن
هذا ثالث اسبوع ماصلي الجمعه في المسجد
انتو انصحوني اشتكي والا
اضغط على نفسي واعصابي
واسكت وانا اموت قهر ....!!