أنا زوجي عاشق الكره........ كان لاعب ولولا إصابته ماكان بيعتزل...غرفة المكتب مليانه فوانيل فرق العالم كلها وهذا من غير الميداليات و الكؤوس وموسوعات كرة القدم و و و ..مايفوت ولا مباره لا في البيت ولا في بيت أهله ولا في بيت أهلي ولا حتى في السياره!!! لما تجي المباره يقعد يكلمني عنها ويقولي شوفي هذي اللقطه وشوفي فلان كيف يمرر وهذا من غير تاريخ اللاعب إللي يشرحلي إياه!
وإذا يشوف مباره في الليل تخلص وينام في الصاله.. كنت في البدايات أقعد معه لدرجة إنا ننام ولا نحس إلا في أوقات متأخره (هو ينام على الأرض وأنا على الكنبه) بس الصراحه ما تحملة فصرت كل ما أحس بنعاس أدخل غرقة النوم لوحدي وأنام وأنا معصبه على هذا الشئ ولما أنتبه الفجر أروحله وألقاه نايم وأصحيه وأدخله الغرفه وبعد ساعه أو ساعتين نصحى علشان العمل!!!! تعود على إني أصحيه بس في الفترات الأخيره أروح عنه وأنام وحتى لما أنتبه ما أروح أصحيه لحد ما هو ينتبه على حاله (طبعا لما يسمع أذان الفجر).......والأشد في هذا كله إنه خلاص تعود على إنه ينام عصوت التلفزيون...يعني سواء فيه مباره أو مافي ينام في الصاله.....ولما يبي حاجه مني يدخل معي الغرفه وأحياناً بعد ما ياخذ إللي يبيه يطلع و يكمل سهره على صوت التلفزيون ويدخل الغرفه على الفجر أو أحيانا يستحي على دمه وينام معي...........هه شو رايكم بزوجي؟؟؟
فيا عزيزتي لا تحرقين أعصابك على الفاضي ولا تكلمينه لأنه راح يجبر بخاطرك يومين ويرجع لعاتده—إسئليني أنا
زعل ماينع..... بكى كمان ماينفع....حرق أعصاب تجيب الأمراض...فنامي يا أختي نوما هنيأً ولا تشغلي بالك
