السلام عليكم ...اختي عطر المساء جوابك فعلا فيه الحل بشكل كبير لمشكلة الاخ معتدل ..بس في جوانب ثانيه فالموضوع ..غير وظيفة الزوجه ممكن تكون هي السبب..لاني حسب مافهمت ان الاخ ماعنده اطفال لحد الحين .. وكذا بيكون مو معقول ان السبب الوحيد والمباشر هو وظيفة الزوجه .. او انه يتعبها تتحمم وتسشور شعرها بعد الجماع..باالعقل !! في وحده ترفض تستمتع وتمتع زوجها وتحس بالسعاده والراحه النفسيه عشان مالها خلق تتحمم!! اكيد لا..ممكن يكون اسلوبك معها قاسي او انك تجهدها كثير فالمره الواحده او ماتثيرها بشكل كافي يخليها تتحمس وحتى انها هي تطلب هالشي منك مو بس انت اللي تطلبه..زاويه ثانيه.. انت ماذكرت اذا كان عندها امراض لاسمح الله ممكن تخلي الجهد اللي تحس فيه مضاعف سواء من الممارسه او من الشغل .. مثل روماتيزم ضغط.. او اي شي ثاني ..واذا كانت سليمه..مممكن يكون جدولها اليومي مو منظم ومو مريح ومناسب لك... مثل انك تنام الظهر وهي تبقا صاحيه سواء لشغل البيت او للتحضير وشغل المدرسه.. فكذا فالليل انت تكون مصحصح ونشيط وهي تعبانه من الجهد اللي تبذله طول النهار وتكون النومه عندها تسوا الدنيا .. زاااااويه ثانيه... اذا كان عندكم اطفال وانت ماذكرت هالشي ... ممكن شغل البيت والاولاد والمدرسه يكون فعلا متعب.. لان الزوج مهما تواجد فالبيت مستحيل يحس بالجهد اللي تبذله الزوجه فالبيت ومع الاولاد من العنايه فيهم وباكلهم وشربهم ودراستهم ونظافتهم .. غير نظافة البيت والطبخ...وغيررره وغيررره ... فممكن يكون التعب اللي تحس فيه نفسي اكثر ماهو جسدي .. وهنا يكون عليك شوي من المسؤليه ... يعني ممكن تساعدها شوي بتنظيم وقتها وتساعدها فتربية الاولاد.. او اذا كان وقتك مايساعدك.. يكفي الكلام الحلو وتحسسها بقيمتها وقيمة تعبها .. وانك مقدر هذا الشي.. يعني اتخيل لو الزوجه طول اليوم تعبانه وشقيانه مابين وظيفه وبيت وزوج.. وبعد كل تعب اليوم تلاقي زوجها يتذمر منها ومن تقصيرها معه.. بيصير فيها احباااط شديد ولا راح تتشجع انها تكون فوضع حميم معاك لانك تقلل من ثقتها بنفسها .. في اشيااء واشيااء ممكن تكون السبب.. بس ماظن ان الوظيفه بحد ذاتها هي المشكله... مو معقول ان التحضير بيكون اكثر من ساعتين فاليوم!! .. وكمان التصحيح بيكون التعب من وراه وقت الاختبارات فقط.. وماظن انك ماراح تكون مقدر وقتها لوضعها الصعب... واذا مرره مررره مو لاقي حل .. جيب لها شغاله اذا وضعكم يسمح.. او استعيروا شغاله احد من اهلكم يوم فالاسبوع.............. وفالاخيررر الحل بيكون بالتفاهم بينكم والاتفاق على حل مرضي ومريح للطرفين... ومانصحك تهددها بالزواج من وحده ثانيه.. مافي شي يحطم نفسية الزوجه وخصوصا اذا تحب زوجها كثر الكلمات هاذي ... ليش بدل الكلمات هاذي ماتقولها .. انتي حبيبتي ومابي غيرك ولا احد يسعدني مثلك.. كل شي له طعم منك انتي .. غير الناس كلها ....ولما انام فحضنك ..اعيش بعالم ثاني .. واحبك اكثر واصحا وانا كلي سعاده ونشاط!!... صدقني كلمات بسيطه ومن قلبك ممكن انها تقلب حيااتك كلها .. وخلك رقيق معها .. وذووووق.. اعزمها مره على العشا برا... فاجئها بسفر لمكان قريب يكون مفاجئه بنهايت الاسبوع وانت بنفسك حضر لها شنطتها وخذها من المدرسه للمطار او تغدوا برا بعدين روحوا اي مكان سوا.....اذا كان عندك مزرعه او استراحه ممكن من غير زوجتك ماتحس تجهزها بكل شي تحتاجونه وتسوي جوي رومانسي لمكان النوم..اذا كان فمزرعه وكانت مجهزه بغرف او شي زي كذا.. وش يمنع انك ترتب السطح وتفرشه بشكل خيااالي وتحط شمعتين وطاوله عشا من اشياء بسيطه بتكون سهره خيال على ضو القمر فمكان عاالي .. الجو بيكون هادي ويفتح النفس للكلام الرومانسي وكمان العتاب الرقيق بينكم... بكذا بتنعش احساسها وعوااطفها وبتحس هي بحبك والرغبه بانها تسعدك بكل شي تقدر عليه... تخيل لو سويت كذا الاربعا او الخميس .. ممكن تجي ليلة السبت وتقرب منها .. وتقولك لااااا!!! ... مستحيــــــــــــــــــل .... شغل مخك شوي ومافي احد بيفهم زوجتك اكثر منك ... حاول تعرف نقاط ضعفها ومن وين ممكن تدخلها وتحصل اللي تبيه باحلى اسلوب.. وفكر بقلبك قبل اي شي ثااااني .. وكمان تذكر حسناااتها مو بس عيوبها ... وكل مازعلت منها اعتبر الحسناات هاذي زي الرصيد لها عندك تسحب منه لما تزعل بس مايخلص ... لو كل زوج سوا مع زوجته كذا ولو كل زوجه تتذكر محاسن زوجها قبل سيئاته وعيووبه..مممم( شكلي تورطت)....مممم يمكن قسم عالم المتزوجين يقفلونه من المنتدى .. ههههههههااي .... تحياتي لك اخوي واتمنى ماكون طوولت عليك وطفشت ... وانشالله تنحل مشكلتك قريب واتمنالكم كللللل التوفيق