هلا اختي أسماء
بما أنك اول سنة تدرسين طبيعي جدا انك تتعبين
انا اول سنة كنت مطيرة عيوني وخايفة وحالتي حالة والإدارة تلعب علي دايم لأني مافهم شي
لكن الحين استقويت وبقوة صار عندي خبرة خخخخخخخخخ
اول سنة مواد جديدة
تحضير مواد
تحضير وسائل تعليمية ومتنوعة بعد
يبغالك وقت عشان تفهمين موجهتك
وعشان تثبتين جدارتك بالمدرسة
وتفهمين وتتأكدين من أن المعلومات العلمية وصلت للطالبات بشكل صحيح
وتفهمين نفسياتهم وطريقة الوصول اليهم
بس نصيحة نصيحة اشتغلي بضمير بما يرضي الله لاتنقصين ولاتزيدين وحطي كلمة لاتزيدين 25 خط
خصوصا لما تكونين بقطاع خاص انواع الإستغلال
المهم انتي شكلك شايلة هم الطالبات
بقولك طريقة وأتمنى تعجبك..
اول اسبوعين تدخلين على طالبات جديدة خلك حازمة جديدة حتى الإبتسامة لاتطلعينها لأنك بفترة اختبار بالنسبة لهم يقيسون نبضك تلقينهم كل شوي استاذة شسمك استاذة ممكن حمام
استاذة كم لك متخرجة متزوجة؟ كم وكم؟
بعدها ابدأي ابتسمي ببالتدريج اطلعي برا الحصة شوي واضحكي معاهم حاولي انك تخلقين جو من المداعبة في
الحصة ترى ينبسطون مرررررة مساكين وتجدد الطاقة عندهم
والله اذا شفت ضحكتهم لي افررررررررررح
وفي المقابل خلك حازمة فيك شدة شوي
وقت ماتشدين وحسيتي انهم خافو ارخي
وقت ماترخين وحسيتي انهم ارتخو شدي وهكذا
مثل شعرة معاوية
حاولي تتغاضين عن بعض حركات البنات وسوي نفسك مانتبهتي لكن اذا الشي زاد عن حده نبهيها
ودايما حطي قوانين معينة وقولي لهم انا عندي انظمة وانتم مجبرين تمشون عليها مثل:
لما أدخل الفصل محد يدخل وراي <<< لما يرن الجرس تعرفين الطالبات يركضون يطلعون برا فصلهم واذا شافوني طالعة من غرفة المعلمات يركضون ويصارخون
جت جت استاذة شوبارد ويدخلون خخخخخخخ والله يجيني الضحك بس امسك نفسي وساعات اسكر الباب واضحك
علك مافيه - كلام جانبي مافيه - فتح دفاتر مافيه واي شي انتي تبغينه صدقيني بيحسون انك قوية وحازمة ويشيلون همك
واذا عندك اي سؤال تفضلي تراي وحدة احب التدرييييييييييييس مرررة
وتعايشت وضع البنات المراهقات والإدارة وكل شي
والحمدالله بحياتي ماصارت لي مشكلة كبيرة غير هذيك المشكلة الله لايعيدها
