بالنسبة لكلامك كأنه دوامين دوام في البيت ودوام في الصباح المدرسة
جميع الوظايف بهالشكل انتي نسقي وقتك وأمورك وصدقيني بتتسهل ان شاءالله
=========================
_الحسد والغيبة والنميمة بين المعلمات <<< ضحكت لما قريتها
اسمعيني ياحلوة مافي جلسة بين حريم مافيها سب وحش وقالت فلانةو علانة
لما تروحين جمعة من اقاربك تسمعين مثل هالسوالف فما بالك كل يوم تجتمعين مع معلمات يعرفون بعض
وانا متأكدة ان مدرساتكم اكثر سوالفهم على المديرة والمساعدة واهل أزواجهم والطالبات<< كذا مدرساتها
حاولي تنصحينهم او تحمليهم واذا سمعتي من الكلام هذا حاولي انك تتجنبين الكلام معهم بهالخصوص وبس!!
ترى هالمشكلة مافيها حل الحريم والسنتهم سبحان الله
=========================
ولأنك جديدة ياخذ التدريس من وقتك شوفي اذا جا الخميس حضري ليوم السبت والاحد والاثنين والثلاثاء مثلا
راح تلاقين كل ايام الاسبوع الا الاربعاء محضرته ومرتاحة ماعليك الا انك تقرأين درسك
الموضوع يبغاله شوية تنسيق وتنظيم وخلاص كل شي تمام
