منتدى عالم الأسرة والمجتمع - عرض مشاركة واحدة

27-04-2006, 01:44 PM

#11

(جمانة)

عضو مميز

تاريخ التسجيل: Apr 2006

المشاركات: 655

شوبارد ذات القلم المبدع
قبل كل شئ انا احبك في الله .... انا توني جديدة بس دايما متابعة مشاركاتك
اختي اليوم الصبح قلت لها ان سماااا ردت علي قامت قالت لي وشوبارد ما ردت ...
على فكرة اختي ما تعرف المنتدى ولا تدخله بس تعرف اعضاءه من كثر كلامي عنكم ..
اولا قبل كل شئ شوبارد
* انت كم لك سنة في هذا المجال ...( اود اعمل مقارنة بيني وبينك في عدد السنوات فيما بعد )
بالنسبة لشعرة معاوية ... انا احاول اعمل هذه الطريقة كلهم خبروني بس احيانا تنصدمين ان البنات من النوع الي لازم شدة على طول او من النوع الي لازم تاخذيهم بالطيب على طول ....
* قلتي لي ان انا اشتغل بضمير بس مب بزيادة ... هذا شئ يتعبني الحين مثلا ان اعطي بناتي كثير من الاختبارات عشان يدرسون بس المعلمات ما يتعبون حالهم كذا اختبار بحيث يحصلون الدرجات وخلاص .. مين الصح انا ولا اهم ؟ هذا مثال بسيط اجيبيني عليه وسأطبق بقية الامور عليه ؟؟؟؟

* انت من النوع الي يتحسس اذا صار له موقف ولا من النوع الي يطنش ...
على فكرة شوبارد انا من النوع الي ابدا في البيت ما اعصب ولا ازف احد ولا احب اغلط على احد ولا احد من اهلي او ربعي يغلطون واذا صار اقعد اصيح ... ولما دخلت مجال التدريس اكتشفت انه لازم يكون لي مهارات في ذي كله!!!!!

* انت تدرسي أي مرحلة ... انا اعدادي ( انتو عندكم في السعودية متوسطة ) ما ادري يمكن اختلاف المراحل العمرية تفرق .. ويمكن مراهقة بناتنا غير عنكم ( بناتنا مثل هالوجة

) ( على فكرة انا احب كل بناتي وهما يحبوني بس متعبيني )

* سؤال اخر ... ما هو تخصصك علمي ولا ادبي ....على فكرة التخصص يلعب دور يمكن تخصصك مو صعب نفسي البنات ما يحبونه .. انا تخصصي علمي بحت في اخر احصائية في الوزارة تقول ان عندنا اكبر نسبة منخفضة في مادتي للاسف

*سؤال مهم جدددددداااا : كيف هي علاقتك مع المدرسات ... انا اعمل وسط مدرسات اكبر مني بكثير وما في أي سوالف مشتركة بيني وبينهن .. حتى هم يستغربوا مني ليش ما اسولف ... بس والله غصب .. ما اعرف شقولهم .. كلهم بكبر امي حتى استحي انادي وحدة بأسمها لازم كنيتها واذا ما عندها عيال او مو متزوجة اقول لها استاذة فلانة .. يعني رسمية معاهم تخيلي مرت سنة وما اقدر اسوي علاقات معاهم ... هذي طبيعي ولا لأه

* اخر كلمة قلتيها عورت قلبي .... قلتي : انا احب التدريس
تدري يمكن انا محتاجة احب شغلتي وبس

* اخاف ثقلت عليك بكثرة اسئلتي

... اسفة
وشكرا ... حقا استفدت منك كثير

تحياتي
اختك
اسماء