هل انا فعلا غلطانه بتقديم تنازلات كثيرة لخطيبي؟
السلام عليكم ورحمة الله وبركاته
اخواني وخواتي هذي ثاني مشكلة اطرحها لكم بعد مشكلتي الاولى اللي الحمدالله انحلت وكانت عن اما الدراسة بالخارج او الزواج من شخص زين وطيب
وطبعا تنازلت عن الدراسه برع وتنازلت عن السكن في بلادي عشان اللي متقدم لي من برع ديرتي وانه وبكل صراحه مو متحجه ولكن افكر وااايد بالموضوع وودي اتحجب اليوم قبل باجر وشي اكيد اهوه شجعني على هالشي والحمدالله جرييب وبأذن الله واذا الله كتب راح اتحجب عشان ربي اولا ثم عشان اللي تقدم لي
بس المشكلة ان امي احين تقولي انتي وايد تنازلتي عن وايد اشياء عشانه وتقول غلط تسوين جذي وايد ضحيتي بأشياء ضحيتي بمستقبل دراستج وديرتج وتحجبتي تقولي وايد تغيرتي ومابيج تكونين بنت سهله يقدر يتحكم فيج وتقولي انتي بعدج صغيره ماتفهمين في هالامور لازم تكونين قويه واتمين على موقفج وتخلينه اهوه يتنازل !!
فهل انه فعلا غلطانه اني تنازلت عن كل هالاشيه؟؟ مع اني احس ان اهوه طلب مني اتنازل عن هالشي لمصلحتي من ناحية حجابي وتركي للدراسه برع !!
ابي بس اقتنع واعرف ان اللي اسويه صح ولا غلط؟ وانا اللي اشوفه ان شي جميل لو الزوجة تضحي بأشياء لزوجهه بس امي تشوف العكس تقول بيتحكم فيج !!!
افيدوني ونصحوني وجزاكم الله خير