قريبه مشكلتك مع ولدك من مشكلتي
بس بقولك
اهم شي ولدك عند الناس زين
في الروضه مشغول اما في البيت ماعنده شغل الا انتي
انا عملت مع طفلي صداقه مثلا اقول له ماادري وش اطبخ اليوم
او لما بيجوني ضيوف اقول شرايك شاقدم لهم
او اي فستان البس
ادخله غرفتي واقوله شرايك اي مفرش اضعه على السرير
اذا خرجنا للمطعم يقول ابوه اي مطعم تبون
انا اقول ودي المطعم الفلاني
والتفت عليه واقوله وانت وش تبي
يوافقني او يغير المطعم فاقول لابوه خلينا نروح الطعم اللي اختاره فلان اكيد اكلهم حلو
وصراحه على شقاوته لكني احاول ان مااكسر بخاطره
ولاتقولين ولدك اكيد يسمع كلامك
لا دايم يصر على رايه ويتلفظ علي ويضرب احيانا
بس انا جربت اسلوب الضرب في سنواته الاولى
صراحه اسلوب منفر
وبعد ولدي عني حتى عااش بينا كانه غريب
صراحه يكسر خاطري
فاحاول اقربه مني
لما تشوفين ولدي وتصرفاته ماتقولين عمره ست سنوات
تصرفاته تصرفات مراهق
يمتنع احيانا عن الكلام ويتضايق ويثور كثيرا
بس انا متأمله فيه خير كبير
ومافيه شي عند ربي يضيع
ادعيله الدعاء سحره عجيب
الله يهديلك ابنك ويصلحه يارب العالمين
لاتنسين اقرأي مواضيع في تربية الابناء وذلك في المواقع الاسلاميه بتكتشفين اخطاء تربويه كثيره
احنا نسويها
اشتري اشرطه من التسجيلات عن تربية الابناء لطارق السويدان؛ محمد الثويني والكثير ستجدينه هناك
او استمعي لها عن طريق النت
الله يوفقك
مع السلامه
__________________
سبحان الله وبحمده سبحان الله العظيم
