سلطه خضراء بالجبنه

5 طماطم مقطعه صغير
5 خيار مقطع صغير
1/2 خس
4 جزر " مبشور"
1/2 علبه جبنه بيضا
3 عصير ليمون
1/4 كوب زيت زيتون
1 ملعقه مايونيز
ملح،فلفل،زعتر،سماق


في وعاء كبير نحط الخضار علي بعض و نبشر الجزر و نحطه عليه


في برطمان نحط الزيت + عصير الليمون + المايونيز +الملح+الفلفل+الزعتر+السماق


و نرج البرطمان جامد لغايه ما يبقي كده


قبل التقديم نقطع الجبنه مربعات و نحطها عليا و نقلب


و نقدمها و معاها عيش محمص...طعمها حلو اوي




شيش طاووق
1 كيلو صدور فراخ مقطعه مربعات كبيره
2 طماطم كبيره مقطعه مربعات
1 بصله كبيره مقطعه مربعات
2 فلفل رومي مقطع مربعات
*التتبيله:
علبه لبن رايب 250 جرام او 2 علبه زبادي
1/4 كوب زيت
ملعقه دبس رمان او صويا صوص كبيره
2 ملعقه صلصه صغيره
ليمونه
ملعقه ملح
ملعقه بابريكا
ملعقه زعتر
ربع ملعقه بودره ثوم
نص ملعقه فلفل اسود
عيش Tortilla لتقديم او لبناني
اسياخ خشب منقوعه في ماء ( علشان مش تتحرق في الشوي)



نحط مقادير التتبيله في طبق غويط و نخلطهم مع بعض



نحط الفراخ في التتبيله و توضع في الثلاجه لمده ساعتين


بعد كده بالترتيب في السييخ: بصل ، فراخ ، طماطم ، فراخ ، فلفل ، طماطم ، فراخ ، بصل بالشكل الواضح


توضع الاسياخ علي الشوايه و تقلب من حين لحين و نرش الفراخ بالتتبيله الفضله اثناء الشوي


ده شكلها بعد الشوي تقدم بالشكل ده مع سلطه طحينه و العيش




crispy strips

صدور فراخ مخليه
بقسماط
corn flakes الساده
بابريكا
*التتبيله:
3 بصلات صغيره او واحده متوسطه
2 ملعقه دقيق
بيضه
ليمونه
ملح ، فلفل ، سماق ، زعتر ، بودره ثوم"بسيط"


نقطع الصدور كل صدر الي 3 بالطول او 4 بالشكل ده


يفرم مقادير التتبيله مع بعض


و نحطها علي الفراخ لمده نص ساعه


نضع علي بعض البقسماط و corn flakes و البابريكا"الcorn flakes يكون اكتر من البقسماط 2 الي 1 مثلا"


نغطي الفراخ بخليط البقسماط و تترك في الثلاجه لمده نص ساعه


تحمر و تقدم بالشكل ده



Chicken, sausage and potato Bake
1/2 كيلو صدور فراخ مقطعه ترنشات متوسطه
5 سوسيس حلواني مقطع ترنشات
2 بطاطس كبيره مسلوقه مقطعه مربعات
بصله متوسطه مفرومه
كوب كبير جبنه شيدر مبشوره
كوب كبير كريمه لباني
بودره ثوم او ملعقه ثوم مفرومه
ملح ، فلفل ، زعتر ، شطه


نتبل الفراخ بملح و فلفل و شويه شطه صغيره


علي النار نحط زيت و نسيبه يسخن


نحط الفراخ و نشوح لغايه ما لونها يتغير و بعد كده نحط البصل ، بودره الثوم و الزعتر و نقلب


نحط السوسيس و نشوح لمده 10 دقايق


نحط المقدار في فخار الفرن


نرص فوقيها البطاطس و نرش عليها شويه فلفل اسود بالشكل ده


نحط عليها الكريمه و نرش الجبنه الشيدر عليها و تدخل فرن لغايه ما تستوي حوالي 45 ل ساعه


و تطلع بالشكل ده


و تقدم مع الرز



يتبع

__________________


لا احلل نقل اطباقي دون ذكر المصدر

(ام علي وريما شخص واحد وهو انا )