شاورمه فراخ بالبطاطس

4 بطاطس مسلوقين 3/4 سلقه و مبشورين (ابشري واحده واحده قبل الاستخدام علي طول
دقيق
زيت
شاورمه فراخ:
شوحي شويه بصل مقطع ترنشات في شويه زيت ، حطي1/2 كيلو صدور فراخ مقطعه صغير شوحيها لغايه ما لونها يتغير و بعد كده حطي ملح،فلفل،سماق،زعتر و سويها ممكن تحتاج شويه ميه ، بعد ما تستوي تكوني مقطعه طماطم صغير و شويه بقدونس و تقبلي و اطفي النار


ابشري 1 بطاطس و رشي عليها شويه دقيق بالشكل ده


في طاسه تيفال علي نار متوسطه حطي شويه زيت و حطي شويه بطاطس


شليها من علي النار وحطي شويه شاورمه بس مش علي الاطراف بالشكل ده


و غطيها بالبطاطس بالشكل ده


اضغطي علي الحواف بالشكل ده علشان نلزء الجوانب كلها


و حطيها علي النار تاني و كل شويه حركي الطاسه علشان قرص البطاطس يفك من تحت


اقلبيها في طبق و حطي زيت تاني في الطاسه و حطي القرص علي الناحيه التانيه علشان ياخد لون...و كري العمليه لغايه ما المقدار يخلص انا عملي 4 قرص


بعد ما تستوي قطعيها و قدميها بالشكل ده مع سلطه خضرا او طحينه




تارت الجبنه

1 كوب دقيق
1/2 كوب زبده جامده مقطعه مربعات
1/4 كوب ميه ساقعه
ذره ملح-ملعقه زعتر
300 جرام جبنه رومي مبشوره
1 كوب لبن
2 بيضه-فلفل اسود


في العجانه نحط الدقيق + الذبده + الملح و الزعتر


تعجن لغايه ما تبقي زي الرمل


العجانه شغاله نزود الميه لغايه ما تعمل عجينه


نفرد العجينه في الصنيه


ترش مقدار الجبنه الرومي علي العجينه


نخلط البيض واللبن والفلفل مع بعض


نحطهم علي الجبنه و يبقي بالشكل ده


تدخل الفرن لمده 45 دقيقه او لغايه ما تتحمر بالشكل ده و نخرجها "يممممممم يمم ريحتها نجنن"


تترك حتى تبرد شوي و تقطع و تقدم



ارز بالخلطه2

كوب رز ابيض مغسول
نص كوب زبيب
نص كوب بندق مقطع نص
نص كوب كبده مقطعه صغيره في حجم البندقه متبله في( فلفل و ليمون كتييير)
ملح ( حسب الرغبه)
ملعقه فلفل اسود
ملعقه زعتر
ملعقه توابل عربي
4 ملاعق سمن كبيره
3 كوب ماء


علي النار نضع 2 ملعقه سمن و نحمر البندق لغايه ما يلون


وبعد كده نشيله و في نفس السمن نحمر الزبيب " معلش الزبيب كبير الحجم فا باه حجم عين الجمل


نفس الطريقه مع الكبده


في حله علي النار نضع 2 ملعقه السمن و نحط الرز المغسول


نحمر الرز لغايه ما يبقي اللون ذهبي


بعد كده نحط البندق و الزبيب و الكبده و التوابل و نقلب


بعد كده نحط الميه و نسوي زي الرز العادي


و يقدم بالشكل ده



يتبع

__________________


لا احلل نقل اطباقي دون ذكر المصدر

(ام علي وريما شخص واحد وهو انا )