اكبر مشكله بحياتي يوم سافر زوجي للشرقيه انتداب شهر كامل


يا أني شفت الظلم منه يعني كان يكلمني بالتفون يصارخ وينافخ ويهزء فيني ويسكر الخط بوجهي

والمشكله اني انا كنت معطله وقايله له خذني معك حتى ماتتطفش رفض وقالي مابيك ولا ابي اشوفك

مع انه كنا لنا شهرين متزوجين والله ثم والله شفت منه انواع الظلم حتى من كثر عصبيته وصراخه علي
قلت له بزور اهلك لانهم وبصراحه محترمين مررة رفض قال مو انتي اللي تقررين

على كيفك مع العلم كنت مستأذنه منه ورفض ومارحت لهم وهم زعلووا مني قالو ليش ماتزورينا

وانا كنت زوجه مطيعه حتى لو اهلي يروحون اي مكان اتصل وأستأذن منه مع انه مسافر وماراح يدري اني طلعت او رحت والا جيت

بس كنت مطيعه لربي وماطلع الا وانا متصله عليه وماخذه اذنه

وكل يوم اصحى الصبح واتصل عليه واصحيه من النوم حتى ما يتاخر على دوامه

بس للاسف كان يكلمني بكل وحشيه وهمجيه وكنت اساله اقووووله حبيبي اشتقت لي يقول لا مااشتقت لك ومافكرت فيك اصلا

ومع ذلك ماسكه اعصابي ولما رجع طبعا كنت مرتبه البيت وحاطه الهديه فوق السرير وشافها كان راااضي
مرة

ولما سألته بكل هدووء ليش كنت تعاملني بالمعامله البشعه هذي قال وبكل برووووود

كنت مشتاق لك بس مادري وش اسوي ...!!!!

انا صح راح على الكلام هذا يمكن 10 شهور بس احسه في ذاكرتي مؤلم وفظيع

وبصراحه كنت وقتها ناووويه الطلاق وكلمت ابوي على الموضوع وابوي كان بيتصل عليه ويتفاهم معه

بس قلت مابي ادخل اي احد في مشاكلي
ساعات نفسي افقد الذاكره ولا اتذكر هالموقف السخيف اللي حصل من زوجي شهر كااامل كله عذاب وياريت كنت عامله شي غلط وربي كنت مظلومه

بس الحمدلله لما رجع خلاص رجع زوجي اللي اعرفه محترم ومؤدب وحبوووب وطيب
ما كأنه الشخص الشرير اللي كان يكلمني بالجووال


وهذا اصعب مشكله واجهتي في حياتي

__________________