اكله بسسسسسيطه

المقادير

صمون الصغار مو مالت الهوت دوج لا الصمون الصغااار حيل اعتقد عرفتم
جبن كرافت السائل اصغر حجم
3ملاعق مايونيييز من كرفت
بصل مقطع صغير وعلى حسب الرغبه بينه وايد تبينه شوي بس يفظل وسط

الطريقه

1- تخلط جميع المقادير (جبن الكرفت + المايونيز+البصل الاخضر المقطع صغغير)
2- تاخذين الصمون وتقصينه بالنصف وتحطين على الوجهه الخلطه اللي سويناها وتسوينه كل الصمون وتحطينه بصحن للفرن وتدخلينه شويه بالفرن وتطلعينه وتاكلينه حار ولذذذذذذذذييييذ

الكرواسون محشى بالدجاج

المقادير
* دجاج بدون عظم ولاجلد
* جزر مبشور _ بصل ناعم _ بهاراتج المعتاده
* كرواسون ساده

الطريقه:
* يفوح الدجاج بالماء والبهارات ليما يستوى
* يقطع شرائح ويترك جانبا
* نحمس البصل مع الزيت ثم نضيف الجزر 00 ثم نضيف الدجاج الشرائح00 ويترك قليلا على النار 00مع اضافة البهارات
* تجيبين الكرواسون الصغير الحجم
* تشقينه من الوسط قليلا 000 ثم تحطين الحشوه وتصفين فى البايركس
* تقدرين تحطين جبن شرائح ثم الخلطه
* عن نفسى بس حطيت الخلطه واعجبت الحموله واااااااااااااجد 00ومنها شكلها ذرب انه الكرواسون محشى بالدجاج
* قبل لاتحطينه على السفره دخليه السخان شويه علشان تاكلينه حار

خبز التوست
جيبي خبز التوست وافرديه بالفراده
وبعدين قصيه بالبياله على شكل دائره واحشيه
وبعدين جيبي دويره ثانيه من التوست
وسكريهن على بعض
يعدين غطسيهن بالطحين مع شوية فلفل اسود
بعدين البيض وبعدين البقسماط مع شوية بهارات
وبعدين حطيهن ياللفريزر خمس دقايق وطلعين واقليهن

الحشوه:
حمسي بصل وطماط مقطع صغار مرره وبعدين حطي دجاج مفروم او لحم وقلبيهن وبعدين حطي جزر
واذا قرب يخلص حطي بقدونس وطفي على النار
انتبهي لاتخلين البقدونس يطبخ معاهم

توست بالخلطة البيضاء
المقادير:
توست مقطع الحواف ومرصوص في الصينيه
دجاج مسلوق ومفروم
بصل مفروم او مقطع صغير
ثوم مفروم
فلفل اخضر مقطع صغير+شبت مفروم+كزبره خضراء مفرومة+بصل اخضر مفروم
ماجي
مقادير الخلطة:
3ملاعق جبنه سائله
3ملاعق زبادي وممكن تحطي العلبه كامله اذا انتي تحبي الزبادي
علبة قشطة
بيضه
ملح+فلفل اسود+ملعقه صغيره ب.ب
الطريقة :
يقلب البصل والثوم على النار حتى يذبل ثم نضع الدجاج والماجي ونقلب حتى تمتزج نغلق النار ونضع الخضار والملح والبهار وملعقتين جبنه سائله للتماسك الخلطه
نضع الدجاج على التوست ثم نصب الخلطه البيضاء على الوجه وتدخل الفرن من الاعلى حتى تتحمر وتقدم


العجه بالخضروات الرائعه

8 بيض
ملعقه صغيره زبده او زيت
ملعقه كبيره طحين او دقيق
ملعقه كبيره بقسماط
كوب كوسه مقطع صغير
كوب بقدونس مفروم
فليفله الوان الاخضر والاصفر مفروم
2 ثوم مدقوق
بصله مقطعه بشكل صغير
ملعقه صغيره فلفل اسود
ملعقه صغيره خل
نص كاس حليب
ملعقه صغيره ملح


الطريقه:

يكسر البيض فى وعاء عميق ونضع عليه الملح والفلفل الاسود ويخلط فى الخلاط
ثم نضع الخل والطحين والبصله والثوم المدقوق ويخلط مع بعض بالخلاط ثم نضع
البقدونس
والفليفله بلونيها الاخضر والاصفر والكوسه ويحرك بالملعقه ونضع الزبده او الزيت
فى قاع صينية الفرن البايركس مع دهن الجوانب ايضا ونرش القليل من البقسماط
فى قاع البايركس ونصب الخليط فى الصينيه وتدخل الفرن لمدة 30- 35 د

ثم تترك حتى تبرد قليلا وتقطع على شل مربعات وهى فى البايركس
وتوضع فى صحن التقديم وتقدم مع الخبز

منقول و لدى الكثير اذا اردتى شىء اخر اخبرينى