مشكورات بنات على هذه الردود الجميله
بس اختي جمر اكيد الرجل اللي ما يخاف الله يعمل اللي يبيه وانا هذا اللي ذكرته وتكلمت عنه وهو الرجل اللي ما يتمنى ويلاقي زوجه مهمله فيعمل اللي يبيه بس بالنسبه للاختيار صراحه في زمنا هذا وخاصه انه كثرت فيه البنات الغير متزوجات وهذا يخلي الاهل على طول يوافقون خاصه لو يعرفون ان هذا الرجل ولد فلان بن فلان ويبعدون عن الاخلاق وطبعا هذا غلط بس هذا اللي حاصل بالفعل وقله من تلقينهم مهتمين بخلق الولد بعكس نسبه ولد فلان ............. بس اللي اقصده من كلامي اني اتمنى المرأه انها ما تترك الفراغ هذا كله وتهمل زوجها انا اعرف صديقات تزوجو من رجال معروفين بقلة الادب عفوا على هذي الكلمه بس فعلا اولاد دايما مع بنات بس والله العظيم صارو من اكبر الرجال من ناحيه الاحترام والتقدير لاسرهم وصاروا مستقيمين وهذا كله يرجع للمرأه اللي اهتمت بزوجها من اول يوم دخلت فيه عليه مسكت زمام الاسره من البدايه بدأت بتشبيع رغبات زوجها وحثه على الدين وقامت بكل ما امرها فيه الاسلام وذلك ما تخرج الا بطاعة زوجها ما تكثر من الخروج ما تطلع لوحدها وهي ايضا تعرف زوجها وين يروح ايش طبعه لانها دايما موجوده لانها دايما على اتصال معاه حسسته برجولته في البيت وخارجها وحسسته اهي بانوثها واهتماماتها بعشها الزوجي اتمنى من كل النساء انهم يحاولون يصلحون الغلط اللي واقعين فيه ويشوفو الاسلام بشنو امرنا وان شاء الله حياتهم راح تنجح
واسفه على الاطاله واتمنى المشاركه اكثر حتى نستفيد