والله أنا أشوفها صغيرة واااايد حرام أنصحك إن تأخذ وحدة فوق ال 18

لأنه تكون أنضج وأفهم وعاشت مراهقتها وتتفاهم أكثر

بس 14 سنة توها بداية مراهقتها وتفكيرها بيبي وبعيد وايد عن تفكيرك

وفي هذا السن تلاقي البنت تزعل على أتفه الأشياء وتكبر الأمور

فمابالك بمشاكل الزواج والأولاد وبعدين يوم بتكون 16 سنة إنت بتكون 27 سنة

فشوف مستوى التفكير بينكم وإهتماماتكم فرق السما والأرض بينكم

ولا تقارن أول بالحين وبعدين حرام إذا نوت تكمل دراستها لازم مع نساء

فالجو الدراسي بيتغير عليها وبتلاقي حريم كبار وياها فالدراسة عندهم خبرة أكثر

وبيغيرون مخها البريء وبيعطونها أفكار يمكن ما تفيدك ومدام هي صغيرة بتأثر في كل شيء حوليها

ففكر في كل هالأمور ودرس السالفة لأن هذا زواج مب مجرد البنت حلوة وعاجبتنك

__________________
[قال رسول الله صلى الله عليه وسلم "من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب "]