مؤكد الزواج بالحلال أهون على نفس الوحده من ان زوجها ايخونها
وأنا دايما اقول واطالب من الحريم ياحريم اسمعو مني اعملي اللي يرضي ربك وضميرك وبس لاان زوجك ان جاته فكرة الزواج بيتزوج حتى لو انتي شاعله حالك علشان اهو يدفى .
يعني انا بصراحه انقهر من الحريم اللي يقولون احنا انسوي وانسوي علشان ازواجنا مايطالعون غيرنا !!!! اقول لحبيباتي اللي يقولون مثل هالكلام مايفيد انكم تقتلون حالكم علشان هالسبب وبس
انتي تعملي وترضي زوجك علشان رضى ربك خللي رضى ربك غاية مطلبك .
لاان بصراحه اللي تحط ببالها هالشي ويجي زوجها يتزوج عليها تنصدم صدمة عمرها ....في حين لو حطت ببالها انها اتسوي الشي برضى منها علشان ربها يرضى عنها راح تحتسب الامر عند خالقها .
واكبر دليل على كلامي شوفو كلام الاخوان
مجهزين الرد ...يعني ايقولون احنا حافظين هالكلام
... والمعنى ان بغينا نتزوج نتزوج لاانكم انتو في نظركم دائما بتظلو كاملات والكامل الله