اقتباس:
|
المشاركة الأصلية كتبت بواسطة كاره الرياضيات
أخاف تقولون اني أبالغ <<<<<<<<<<<< كثير تقال في المنتدى
ولكن وبكل صراحة حنا ضاربين بالعادات والتقاليد عرض الحائط
كل خواتي زوجناهن بـعشرين ألف ريال تشتري فيها ملابس وغيره
أدري تقولون قليل بس أقول وجهة نظرنا هي الآتي
هذا المبلغ يكفيها لملابس الزفاف واول الايام أما بعدين
اذا كان الرجال زين ماراح يقصر معها ويشتري لها اللي تبغيه
واذا كان شين خلعناها منه بسهولة ماندفع له الا عشرين ألف
ومانشرط تكاليف بالعرس والصالة
يعني اللي يجي منه حنا راضين اهم شي يقدر لنا هالشي ويسعد البنت
اثنين من خواتي ماسوينا عرس كبير عشاء عادي جمعنا فيه الاقارب
والحمدلله قانعات ولا يحبن الفخفخة
يمكن لاننا عائلة ميسورة وتربينا بعز صارت الفلوس والمظاهر ماتهمنا
أما حنا الشباب لما تزوجنا أكلونا أهل الحريم 0000كل واحد كلف زواجه 150 ألف ريال تقريباً
شكلهم يقولون هذولا أغنياء وماعليهم خلونا نطلب
المهم فيه وحدة نعرفها طلبت مهرها سورة الفاتحة فقط تخيلوا
لاتقولون يبالغ ترى عقدتوني بهالكلمة
|
اخوي كاره الرياضيات انت تخاف ما حد يصدقك , طيب وش رايك باللي يقول لك ان اغلب زواجات الطبقة الغنية عائلية و ما فيها ذيك الفشخرة اللي موجودة عند الطبقة الوسطى ؟
واحد خويي ابوه ملياردير و مع هذا تزوج زواج عائلي صغير ما حد درى عنه , و البنت ابوها بعد ملياردير و مع هذا ما طلب شي و اهم شي عنده كان انه يهني بنته بعد زواجها و في بيتها ,
تصدق اني بديت اؤمن ان الفشخرة اغلبها موجودة عند الطبقة الوسطى لانهم عندهم عقدة نقص و يبون يتظاهرون قدام الناس بانهم عيال نعمة و هم من جنبها.