تبغوا الصراحه
وبدون زعل


بس أبغى أشرح لكم الموضوع من وجهه مختلفه وأتمنى إنكم تحكموا بالعدل..

هناك رجل متزوج وعنده طفلين وزوجته مدلعته آاااااااااااااااااااااااااااااااااخر دلع بشهادته ولدرجة إنه في بعض المواقف صار يقوللها أنا خايف عليك من إني أتعود على ده الدلع..
وهي على قلبها زي العســــــــــــــــــــــــــــــــــــــــــــــ ـــــــــــــــــــــــــــــل..

وهو إنسان مشغول في وظيفته صباحاً
وفي ممارسة هواياته والتي تكاد تكون عمله الثاني (النجاره وتفرعــــــــــــــــــــاتها) في فترة العصر.. وفي أوقات تمتد حتى العشاء.. وفي أوقات يعود لإتمام الأعمال بعد نوم الأولاد أي في منتصف الليل..

وزوجته تشكي في بعض الأوقات من عدم جلوسه معها أو مع الأولاد ..

ثم

فجأه

طلعوا له الشباب في راسه: إنه يتزوج واحده تانيه و.. و.. و..والكلام اللي قاله أخونا أسد.............................................




معقوله إنه في نظر الرجل إنه لو أتزوج الثانيه زوجته الأولى حتدلعه أكتر مثلا.. طيب ماهو كان غرقان في الدلع وبيقول هدّي عليّ الدلع..
معقول إنه حيقدر يلاقي وقت يقعد معاها أو مع أولادها.. بدون مايؤثر على عطاؤه في عمله.!!!!!!!!!!!!!!!!!!!!!!!!!!!!!!!!!!!!!

والتانيه اليي كانت عانس
يا عيني عليها بنت الناس
متى حيلحق يقعد معاها
لا ولمن تجيب له بزوره
متى حيقعد معاهم..

لا والأدهى والأمر إنه إنتم يالرجال شايفينها من باب التخفيف على الزوجه وعلى صحتها إنكم تتزوجوا التانيه عشان تتقاسم معاها الخِلفه!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!
في منطق مين ده باللــــــــــه عليكم....

ومنكم كلكم.. إللي يعرفوا زوجته عز المعرفه..
فأكيد حيعرف إنها حتدبح نفسها لو طلب منها..
مو تجيب له بزرتين تانيه...
وعلى ما يقولوا لاجل عين تكرم مدينه.
يقوم يكافئها بضره.
وعيال ضره.
ومسئوليات ضره.
واهتمامات ضره.
(مع العلم انه المسئوليات غير الاهتمامات)

يا ترى هل فعلا ساعد زوجته الأولى في حفاظها على صحتها؟!؟!؟!؟!؟!؟!؟!؟!؟!؟!؟

أنا صراحه مرررررررررره أشك
العصبيه والتوتر والغيره والقلق على حفاظها على مكانتها عنده وغيرها وغيرها وغيرها، حتنهش جسمها وأعصابها من جوه..
والله ما بأبالغ..
التوتر والقلق والغيره والأكل في النفس دي كلها وغيرها أشياء نفسيه كتيرلازم يحطها في الحسبان
عشان الأشياء النفسيه مثبته علميا وطبيا إنها أسوأ من الأشياء الجسديه..
وأتوقع إنه أغلبكم يعرف ده الكلام..
وآخر نقطه أحب أنوه عليها...


الـعـدل ثم الـعـدل ثم الـعـدل ثم الـعـدل ثم الـعـدل

وأتمنى إنكم تحطوا في بالكم إنه البلد مليانه رجال..
لا تزعلوا مننا يا أخواتنا المطلقات والعوانس..

بس إحنا إش ذنبنا كمان..
والله سار الكابوس الأزلي عند المتزوجات.. إنه زوجها يتزوج عليها..

وإش ذنبنا إننا ندفع ضريبة الشباب اللي زي الرز
مفلوتين في الشوارع والبِشَك وما همهم في الزواج..

أنا ماني ضد التعدد.. ربنا حلله من باب لا يعلمه إلا هو سبحانه..

ولكني أرفض إنه الرجل يحاول كعادته يكافيء حسنات زوجته بشيء لا يرضيها أو لا يريحها أو يضرها(وأقصد هنا إحتماية تقصيره في حقها وحق بيتمها وأولادها)

وأرفض أن الرجل كعادته يحاول مستميتاً إقناع الزوجه بأشياء لا ترضيها أو لا تقتنع فيها و. ويحاول إقناعها بأعذار واهيه وفارغه

(زي إنه بنات الناس مساكين )..يعني أنا أو إنت كنا وكلاء آدم على ذريته..

ويعني إنت حتى لو أتزوجت عليهيّ 3 نساء.. حيخلصوا بنات الناس؟!؟!؟!؟!؟!؟!؟!؟!؟!؟!؟!؟!؟!؟!

دي الحاله الوحيده اللي ممكن تكسب اقتناعي بعد جهد جهيد..
أما غير كده

أقترح إصدار قانون ينص على لملمة الشباب الصايع الضايع وتأهيله ثم تزويجه..

وأعتقد ده الحل الوحيد اللي حيرضي جميع الأطراف..
أعتذر عن إطالتي الشديده..
وأعتذر بشده للأرامل والمطلقات والعوانس وما أقولهم غير إن الدنيا دي غداره..
ويمكن بكره نلحقكم ..وساعتها نفهم معاناتكم..
بس إحنا بشر
في الدنيا الغابه
وكل واحد بيصارع للبقاء

أسأل الله السلامة لي ولكم
وأن يثبتنا على مايحبه ويرضاه سبحانه وتعالى