برضكم ماسكين نفس الحجة (العوانس)
يااستاذي اذا قلبك على العوانس للدرجة هذي جيب المبلغ الي راح تتزوج به واعطه لواحد من الشباب الي نفسه يتزوج ويعف نفسه ومو قادر على مصاريف الزواج
وبعدين حكاية كثرة الابناء او قلتهم هذي ماهي الغاية هذا عذركم انتوا
طيب الحرمة الي تكد بالبيت وتكنس وتنظف وتربي وتذاكر وتنيم عيالها وتوصل اهلك واقاربك وحريصة علىرحتك حتى ان بعضهم يفهمون ازواجهم من النظرة وش ذنبهم ينحرق قلبهم لا احد يقولي مصيرهم بيقبلون ويرضخون للامر
اعرف وحدة اجنبية متزوجة سعودي دين وجمال وخلق عندها 5عيال اصغرهم بالجامعة وهو الحين جد ل4اطفال يالعالم لو اجلس ايام اكتب عنها ما اوفيها صورتها
الحين داعية اسلاميه معروفة لها مواقع اسلامية دعوية
من غير ما يتكلم زوجها تجيب لها طلبه البيت مثل الساعة كل شي مرتب وكل شي بوقته وبعد عشرة 35سنة تدرون وش قالها ؟؟
ابي اتزوج ................ والعذر ابي عيال ابي اطفال بالبيت
زوجته خلاص كبيرة ما تجيب اطفال المهم كان هذا العذر ووافقت غصب عنها لان اهلها ما يحبونها لانها مسلمة يعني بالعربي مافيه مكان تروح له
لما تزوج من بنات ديرة ما قدرت الزوجة الثانية تتحملة وطمعت في حلاله هي واهلها طلقها بس بعدين عرفت انه اول ماتزوج الثانية جاب لها اقوى حبوب منع الحمل وحلف يمين لو تنسى ما تاخذها ان يطلقها
بالله عليكم هذا ادمي يعيني همه نفسه وشهوته ونسي امامها كل صبر زوجته عليه وعلى الظروف الي مروا فيها وحنانها عليه
والى اليوم تزوج مرة ثالثة وكمان طلقها وفي الاخير رجع للاولى لكن بعد ما جرحها

بس سؤال لكم اذا كنت انت العقيم وزوجتك ممكن تنجب وش تتوقع من زوجتك لو كانت تحبك وتموت فيك ؟؟؟اكيد راح تصبر وماتتركك
طيب لو كان الموقف عكس ؟؟ راح يكون اسرع من سرعة الضوء في الزواج من ثانية وهو مبسوط لانه جاه عذر على طبق من ذهب
والله اذا ما راعيت الله في زوجتك الاولى وراعيت حقها عليك حتى في مشاعرها الي الاغلب ما يلتفلت لها فانت محاسب امام ربك ولاتنسى انو ممكن تكون تضحك بوجك وتبين ان الامر عادي لكن باخر الليل تاخذ لها ركعتين وتقول يارب هو مقصر في الحق الفلاني فحسبي انت ونعم الوكيل هذي تكفيك ولاتكون مرة واثق انك ملبي كل طلباتها وانتو يالرجال ما تهتمون بالتفاصيل تنظرون للموضوع نظرة زواج وزواج ثاني وطلاق لكن تسالون انكم ممكن تجرحون انسانه او تاذون مشاعرها لا ...
الرسول صلى الله عليه وسلم قال((استوصوا بالنساء خيرا)((وقال عليه الصلاة والسلام ((رفقا بالقوارير))
اسال زوجتك شوف وش تحب وش تكره راح تقولك اول شي انك تشوف غير وهذا حال اغلب النساء انا اولهن
اتق الله ولاتبسط الموضوع لهذي الدرجة