والله يوم قريت كلامك حسيت كأن شي طاح على راسي
تصدقين عزيزتي انا مثل اختك هذي عمري 22 سنه ومعتبره نفسي عانس
ماادري ليه يمكن لأن كل الي اصغر مني متزوجات وعندهم عيال والي كبري بعد
ويمكن لأني من يوم عمري 16 وانا اتمنى اتزوج واحس مثل ماتحس العانس الفرق
ان عدد السنوات اكثر ادري بتقولون صغيرات وتوكم بس انا بنظري مني صغيره
على الزواج ,,, وطبعا مو كل بنت مثلي في بعضهم ماهمهم الزواج او عادي متى ماجاء
جاء ,, لكن انا والي عمرها 30 او 35 وماتزوجوا تفكيرنا واحد ومشاعرنا وأحاسيسنا وحده
ونرغب بالزواج لنفس السبب ,, عشان كذا مااشوف فيه فرق اللهم العمر والعمر جالس يمشي مثل
ماكنت امس 20 صرت اليوم 22 وهذي الأيام تمر والأنتظار يطول والأيام والشهور تصبح سنين
وبالنسبه لي سبب زواجي هو شعوري بالوحده القاتله يعني هو مطلب نفسي بالدرجه الأولى
,, فعلا الوحده شئ قاتل مع اني احاول اشغل وقت فراغي بس مافي فايده الهم يبقى هم ,,,
لا وازيدك من الشعر بيت موبس هم الزواج ,,
هم الزوج بعد والأسئله الي تدور براسك 24 ساعه ,, هل بعد هل انتظار راح اكون سعيده بزواجي ؟
ولا بتزوج واحد يوريني نجوم الظهر وهل؟ وهل ؟
ادري كل شي بيد ربي وكل شي مكتوب لنا من يوم انولدنا بس والله غصـــــــــــــــــــــــب
والي يزيد الطين بله وظيفتي (الي جايه بالطريق) الي تقلل من فرصة زواجي عملي يتطلب
دوام ثمان ساعات هذا غير انه في مكان مختلط ,, يعني باختصار نادر الي يقبل بهل اشياء
ولاتقولون اترك الوظيفه لأنو مافي امل...
هذا غير انك وين ماتلتفتين تلاقين متأخرات بالزواج وهالشي يصيبك بلأحباط هذا واغلبهن بنات
مثقفات اشكالهم مقبوله من عوائل محترمه واخلاقهم عاليه !! فعلا قدر الله وماشاء فعل
عزيزتي لاتلومين اختك اذا صار هذا تفكيرها ,, فنحن ضحايا مانراه ونسمعه ..
وارجوا من الأخوات الي اعمارهم اكبر ماينظرون لنا نظرة تعجب ولا ينسون ان كلنا
بنات مشاعرنا وأحاسيسنا وحده مهما اختلف العمر ..
تحياتي لك ..
__________________
ادعولي بالزوج الصالح الي يسعدني ,, جزاكم الله خير
سبحان الله وبحمده عدد خلقه ورضا نفسه وزنة عرشة ومداد كلماته