انا لي اربع سنين ولله الحمد اذا بدا الروتين يدخل حياتي اول شي بابعد عنه مو لازم اروح بيت اهلي لكن اشغل عمري بالبيت او ولدي المهم ابعد عنه يعني يجي البيت اقوم احضر الغدا وبعد ما نخلص اشيل السفرة واغسل لولدي وانيمه واقوم على شغل البيت واذا مرت على الاقل 3 ساعات ادخل عليه بكوب عصير واحيانا احط له طشت موية وفيه ملح وانقع رجوله واسولة مساج طبعا اكون مغيرة شكلي او عطري او حتى البس شي ما قد لبسته من قبل شي مو من العادة البسه واساله عن شغله(زوجي يحب يتكلم بالشغل كثير) وبحكم خبرة 4 سنين عندي فكرو كالمة عن شغلة
في الليل لا تنام في نفس الوقت معاه خليه الين ينام وبعدين نامي انتي وخليك كذا فترة هو بيستغرب ويمكن يسال واذا سال اعرفي انه اشتاق انك ترجعين مثل قبل وغيري في اثاث البيت بس موكل يوم خليها مفاجاة له قلي له كلام حلو مو مثل العادة شي جديد غيري من الاكل ممكن لما يجي من العمل تكونين انتي وطفلك بالبانيو لما تشوفينه اعزميه معاكم غيري مكان الغدا ممكن تخلينه بغرفة النوم ممكن بمجلس الرجال وممكن بالحوش وممكن بالسطح
حبيبتي ممكن افكاري ماتناسب ازواجكم بس كل وحدة وتعرف زوجها وش يحب وش يكره ممكن تكون الوحدة شايلة زوجها فوق راسها وماهي مقصرة معاه وبالغم من ذلك دخل الروتين حياتها في هذي الحالة ممكن تهمله شوي بس هو بيلاحظ وعلى الاقل شي اسمة تغيير
ترا الدنيا مو كلها طلعات وتماشي وسفرات وروحات وجيات اهم شي فن التحاور والاحتواء احتوي زوجك مثل ما تحتوين الطف الصغير اعتبريه ولدك اكيد الاطفال يطفشون اقلها من العابهم وهذا مو مبرر انك تجيبين العاب جديدة لا بالععكس شيلي جزء من الالعاب وخشيها فترة وبعدين اعطيها ولدك بتشوفين ان ردة فعله كان العبه جديدة وهذا حال الرجل فبعض الرجال يملون من كثرة الدلال والاهتمام
اسفة على الاطالة