السلام عليكم ورحمة الله وبركاته
مادري اذا كان رأيي او اللي بقوله راح يفيدك او لا واتمنى يفيدك ان شاء الله
انا بنت قريب راح اخلص المراهقه ومأساتها ولكن صج في هالوقت الواحد يخاف على البنات ولكن عليج انج تكونين صديقة بناتج تخلينهم يقولون لج كلشي حتى اذا كان شي يزعجج انا جذي علاقتي مع امي والحمدالله
اقولها كلشي وهي تصارحني واهي من اقرب اقرب صديقاتي لدرجة فضلت اني اروح واطلع معاها على اني اطلع مع رفيجاتي لانها ماتقيدني ولا تمنعي بالعكس تخليني استمتع بحياتي ولكن تحذرني وتنبهني بسس
وطريقة انج تمنعين بناتج من زيارة صديقاتهم لوحدهم ماعتقد تنفع لان بامكانهم يسوون الشي من وراج والله لا يقوله ولكن هذي الواقع وهذي اهمه المراهقين وتفكيرهم في هذي الايام
دايما صارحيهم وتقربي منهم
و
الله يوفقج مع بناتج ويسر امورهم ويهديهم على الطريج الصح ان شاءالله