تبغين الصراحه ولا تزعلي زوجك ماهو ملزوم يودي ويجيب اهلك اعتقد انه يحس ان السالفه تحكم او استغلال او ممكن يحس انه يشتغل عندهم سواق !! وبعدين انتي توعدينهم انه راح يوديهم قبل ماتشاورينه لو انك مشاورته قبل كذا يمكن الموقف تغير عالاقل بتشيمينه وانتي كررتي هالموقف 3 مرات ورده الفعل كانت وحده !! في كل المواقف خذلك وعاند معاك وفشلك !!
وبعدين غلطتي انك ضيقتي صدر امك اللي اخذت موقف منه بصراحه ماهو في صالحك ابد وامك واضح انها شالت في خاطرها ويمكن مستحيل تنسى هالموقف !!
عديها له هالمره بس حاولي تفهمي هو ليش سوا كذا هل هي سالفه عناد ؟او سالفه كرامه او هل هو تضايق لانك تقولين له في نفس الوقت بدون ماتشاورينه حتى لو كان المكان قريب ؟ هل يعتبر نفسه غريب عن اهلك خصوصا انه مايروح لهم كثير والعلاقه رسميه واذا كان هذا هو السبب بصراحه ماينلام ؟هم اهلك انتي ماهم اهله هو ولاهب ملزم انه يوديهم ويجيبهم الا عشان خاطرك
المهم انك تعرفي وتتصارحي معاه عشان تفهمو بعض اكثر وتتجنبي الاشياء اللي تضايقه وتنتهي المشاكل اللي من هالنوع بينكم للابد !!
جلسه مصارحه وكل شي ان شاء الله ينتهي اهم شي ماتشعلي فتيله الشرار بينه وبين امك او تجيبي سالفه ام زوجك بالموضوع !! لان محد يرضا على اهله وخاصه الام !
الله يوفقك
(إن شاء الله) تكتب بهذه الطريقة
__________________
لاإاله الا أنت سبحانك إني كنت من الظالمين
ربي لا تذرني فردا وانت خير الوارثين