متزوجه من 5 سنين تقريبا فى بدايه حياتى الزوجيه كنت لا اعمل اي تزوجت بعد دراسه على طول وكنت ابحث عن عمل ، وطبيعة عمل زوجى يغيب عن البيت اسابيع، فى بداية الايام كان يعطينى بطاقته البنكيه ان راح الشغل ان احتجت الى اى شئ ، ابدا ما كان مقصر معاى ولا زال (هذا اذا كان موجود) ، لكن الوضع بعد ان اشتغلت تغير صرت انا ما استخدم بطاقته ابدا فابطل يعطينى مش انه يبخل على لا بس ما ادري هذا شئ عادى و لا انا اللى مكبره السالفه. الحين بعد ما رزقنا الله بطفلتين الله يحفظهم ، كثير ينسى ولا يتذكر انه يخلى مبلغ للعيال على الاقل، وانا طبعا ما امانع ان اشتري اي شئ للعيال وهذا اكيد، بس اللى ارجع وافكر لا يتعود وبعدين اتورط ولا شو رايكم؟ فى اوضاع كثيره اكون اجهز للعيد من حسابى علما بان اكون بيت اهلي الفتره اللى هو يكون فى الشغل واحيانا اسافر معاهم وكل شئ يكون على ، بس اللى احسه لازم اطلب بس بجد مستحيه . قولولى كيف اوضحله هذا الشئ من غير ما يفكر انه مقصر معانا بشئ. وهو كثير يحبنى ما اريد ابد ازعله.
ونقطه ثانيه شو رايكم هل الزوجه العامله ما لها الحق بالنقفه؟
انا ما اقصر على عمرى بشئ بس ما تحسو انه اللى يجى من الزوج يكون له طعم ثانى؟
علما بان راتبه زين ولله الحمد
اخواتى ردو على ولكنا جزيل الشكر و الثواب.