اضحك الله سنكم ادخلتو الفرح الى قلبي
لكن انا شوفتي تختلف عنكم كلكم
من يوم ما دريت انو في العريس جي يشوفني وانا متوترة والله حتى اني يومها مانمت وهذا شي غريب طبعا علي لاني ما العب في النوم
الين جي ابو الشباب وجات امة تاخذني وانا والله حاسة بيجيني شلل ماني قادرة امشي
ولما دخلت بلقوة انصدمت بالعدد الموجود في الغرفة كانو بس اهلو 13نفر اشوف مين ولامين
المهم قام ابو الشباب يسلم انا ماني قادرة امد يدي بس صافحتو
وجالس يسألني سنة كم علمي ولاادبي طبعا ما رديت ولاعلى سؤال
وجالس يغمز لاهله يعني جيبو التلبيسه ولبسني اسوارة وخاتم ودبله
وبعدها قام ابو الشباب وهات يا احضان وتبويس طبعا اهلو موجودين
ولما جو يخرجو يقول لة هي نبغي نروح البيت وهو يعطيهم مفتاح السيارة ويقولهم خلاص انتو روحو اركبو وانا دحين اجيكم
والحمد لله اتزوجنا وعندنا بنوتة الله يحفظها
وعقبال العزبيه
__________________
اللهم عظمني في قلب زوجي
وعظم زوجي في قلبي
اللهم اجعلني ماءعينه
وراحه قلبه ودافى حياته
واجعل حبي يجري في دمه
وابعدةعن الحرام وابعد الحرام عنه
التعديل الأخير تم بواسطة سمراء الوسادة ; 09-05-2006 الساعة 07:54 AM