مرحبا نعومه
اهلا فيج في المنتدا نور باشتراكج معانا
والله يساعدج علي الغربه والعيشه بكندا

بالنسبه لمشكلتج
حبيبتي نعومه الله يصبر قلبج ويساعدج انشالله
انا نوعا ما جرربت جزء بسيط من مشكلتج انا بعد زوجي كان يبي اطفال بسرعه ( بس انا رفضت اول شي لاني اول ابي اعيش حياتي معاه بعدين اشاركه بالاطفال) ويوم قررت اييب اطفال سبحان الله شاء انه يتاخر الحمل لمده سنتين ونص بدون سبب علمي بس ان الله ماشاء فلج انج تتخيلين شلون زوجي كانت روحه باليهال والله عوض صبرنا خير وزرقنا بتوأم ايهبلون (لانهم شبهي الحمدالله )
زوجي فيالبداليه حاول انه يصير نفس زوجج تدرين شنو سويت؟؟ بس هذي يبلها قوه قلب

قليتهم عليه
يعني الياهل تبجي واهو ايي يصرخ اشفيها بنتي انتي شسويتي اول احاول ابرر واخاف بس يوم شفته سايق فيها تدرين شنو قمت اسوي لي شفته يصرخ مسكت البنت وحطيتها بحظنه وقلت له سكتها يالله ورحت داري سكرت الباب صج قلبي يحترق وانا اسمع ينتي تبجي بس استفدت اولا ماقام يلوموني يعني عرف بدلع اليهال وانهم يبجون بدون سبب باغلب الاحوال ثانيا اشركته بتربيتهم غصبا عليه

بعدين من يوم انا حامل جهزت غرفه منفصله حق اليهال وبلغته واقنعته ان صار عمرهم سنه يروحون دارهم ومن البدايه علمته ان مكان الطفل بسريره مو بين امه وابوه وشرحتله واقنعته بس بعدين سمع اخوه يقول انا عيالي ينامون يمي وتعودت عليهم فقام يسحبهم السرير تدرين شنو سويت؟؟
ادني مخدتي عنه والزق الياهل فيه واخيلي البيبي تنقلب عليه وتحوشه لي يت تتحرك واذا بجت تبجي ياذنه وماقوم لها اخليه اهو مسؤولي ولما يشتكي اقوله مو انت يبتها بالنص انت مسؤول انا امسكها لي حطيتها بالسرير فبطل يحطهم بالنص
بالنسبه لمشكله علاقتكم الحميمه يا نعومه حاولي انج في يوم تخلين اليهال يزورون اهلج تحججي باي حجه مثلا امج ولهانه عليهم ابوج طالبهم يزورونه
وقعدي ناقشيه بهدوء عن هالموضوع اهو دين وراح يفهم ناقشيه من ناحيه دينيه عن هالموضوع وعن حقوقج عنده واذا تتحرجين من هالموضوع كتبيله برساله باسلوب رقيق وبعدين قعدي ناقشيه بهدوء عن هالموضوع

والله يوفقج انشالله