اولا : اشكر كل القائمين على هذا المنتدىواتمنى من الجميع ان يجد لي حل لأني مش عارف اتصرف

راح ابدأ من بداية القصة
في يوم الثلاثاء الموافق25-4-2006 جاءت حالة عندنا في المستشفى بنت عمرها 18 سنة (ثالث ثانوي)أخذب حبوب بقصد الانتحار ولكن الحمدلله وصلت المستشفى ولكن بعد ان قامت من حالتها جلسنا معاها عشان نعرف السبب فكان السبب انه امها مطلقة وهي عايشة مع خالتها(زوجة ابيها) وطبعا معاملة قاسية والاب مايسمع في كلام زوجته يعني الي تقوله هو الصح وماشافت امها بالمرة ومافي في البيت من يهتم فيها او يعطيها حنان او يعاملها على انها بشر المهم اقترحنا اننا نتصل على امها طبعا اتصلنا على الام وكلمها الدكتورالمشرف على الحالة (الام متزوجة وعندها اولاد من زوجها الثاني) ونحن كلنا امل ان الأم راح تفرح لأنه بنتها في امس الحاجة لها وراح تكلمها المهم كانت المفاجئة الأم تقول انا نسيتها وهي كمان لازم تنساني ولا وافقت انها تكلمها بالمرة البنت زادات عندها حالة الاحباط كنا نكلمها وهي جنبنا البنت والله انا اول مرة اشوف أم بهذه القساوة والله موقف بالمرة صعب عليانا كيف بالبنت حست انها مالها قيمة لاخلاص تبكي بحالة هستيريا المهم جلست يومين وطلعت بعد ماتحسنت حالتها الجسدية لكنها كانت محطمة جدا المهم انقطعت اخبارها عني الى قبل يوم الاربعاء هذا الي راح جائني اتصال منها هي تقولي انها جالها عريس قلتلها الف الف مبروك هي جلست تبكي تخيلوا ايش صار زوجة ابوها قالت لها خلاص جاءكي عريس بطلي دراسة (مع انه الاختبارات على الابواب)وانا مالي دخل في تجهيزك اتسافري يوم السبت الي هو بكرة عند عمتك عشان تجهزك وتبطلي دراسة ( مع العلم البنت الاولى على المدرس)مشاءالله عليها شاطرة البنت خلاص تحطمت زياااادة تقولي لو كانت امي موجودة فرحت وخلتني واكمل دراستي بعدين امس تقولي خلاص ابي اريح الناس مني وارتاح تبي تعيدالقصة والله جالس اذكرها بربها اذكرها بكل حاجة والله امس احاول اقنعها من الساعة 11 الى 4 الفجر وبعدين قالت طيب خلاص انا ارتحت اشوي قبل اشوي تكلمني قالة انها عزمت اعز صاحبة عنها وبتقعد الاالساعة 9 وبعدين راح تنتحروالله هي لو كانت ماسوتها يعني ممكن ماراح تسويها بس هي حاولت قبل كذا وانا مش قادر اوصل لأي احد من اهلها وكل ما اكلمها مش راضية تقتنع والله كرهت الطب وكل حاجة لأني اشوف حالات زي كذه ومش قادر كيف امنعها حاولت بكل شيئ فيني والله اليوم في صلاة الجمعة جالس ادعيلها هي مع انها لاتقربلي ولا حاجة بس اشوف البنت راح اتضيع وانا ماعندي خبرة في الحالات الي زي كذه انا لسة متخرج والحين امتياز ماني عارف اكلم مين كل ماكلمت واحد من الدكاترة مايعطيني حل اتخيلوا كلمت الحين دكتوريقولي خليك منها وبس انتم اش رايكم اخليها وعلى فكرة انا سافرت من المدينة الي هي كانت فيها يعني حتى لو جاءت المستشفى مرة ثانية هاذي انا مش موجود
آسف على الاطالة وعلى الاسلوب لأني مش عارف اجمع افكاري