أنا معك
كلامك صحيح
بس شوف الهدايه من عند رب العالمين
واذكر لك أمثله حصلتلي
كنا رايحين الامارات وانا عمري15 سنه وداخلين مطعم نتغدى
المطعم كان زحمه مره
الكرسي في الكرسي
امي لما جا الغدا افتحت وجهها وبدت تتغدى وانا متغطيه
قلت لامي شلون تفتحين وجهك قالت انا كبرت وتزوجت ماأحد بيستفيد ان شافني!!!!!
وسكت طبعا الوالد موجود وقال لي افتحي وجهك وكلي
ماتكلمت ولااكلت
طبعا لو بنتكلم عن الحلال والحرام مااحد بيسمع لك
طيب تخيل كيف وضع اخواني لما بيتزوجون
اكيد بيكون نفس الطبع ونفس مستوى الغيره
يعني مره قال الوالد
اللي بتلبس عباه ماراح تروح معاي
أنا بكل بساطه طلعت السوق وفصلت كاب حق المصريين
ورحت فيه
وقال كان فصلتي ملون ليه اسود
يعني تعيش غربة الفكر وغربة الدين وسط اهلك هذا شي مو سهل ولاكل وحده ممكن تقدر تفرض رايها او تتصرف
خصوصا اذا كان رب العائله متسلط
فأنا ألقي باللوم على الفتاه
ولكن الجزء الأكبر على عائلها
لأني اجتمعت بفتياة يلبسن العباه الكتف ومتبرجات
لكن لما اجلس اتكلم معاهم
احس تفكيرهم مو ساقط
بالعكس فيهم خير كثير
لكن البيئه اللي حولهم مااحسنت تخريجهم
الله يوفقنا لما يحبه ويرضاه
__________________
سبحان الله وبحمده سبحان الله العظيم
