السلام عليكم
اختي( هو في قلبي) لنا الان اكثر من 18 سنه زواج وعندنا 6 اولاد

زوجي من تزوجته فيه الكثير الكثير من القسوه والغشامه الواضحه (يعني يذبح بس ما يحب احد يصرخ لانه ممكن يسبب له ازعاج اثناء الذبح ) من غير مبالغه ما يحب يسمع الا نفسه حتى وان آمرته هالنفس بالسوء تحت غطاء الدين وهنا المصيبه من العام وهو متغير مثل ما ذكرت قبل لان شباب الديوانيه تقريبا كلهم بو ثلاث وبو اربع حريم وهو يقول عنهم قادرين والله منعم عليهم لانهم عددوا (زوجي لو انك تناقشينه تلوع كبدك من كلامه ومبرراته اللي ما يبررها حتى الطفل ( يقولي انتي اشعليك من الثانيه ليش هي جايه عليك انتي ما لك شغل هذا الشئ يخصني ويخصها) بالله عليك هذا منطق انا من كذي احس انها فرصه افتك منه وارتاح قبل لا يقتلني باسلوبه النتن وطبعا هو عمله مختلط لكن انا ادخل على الله هو ملتزم ما ظنتي عنده اشياء مو زينه اما بالنسبه ليه يبي يبدلني فهذا من اكثر الاسئله صعوبه وما اظن ان اجابته عندي ويمكن تاريخ صلاحيتي انتهى لان الاحظ عليه مسالة العمر مسببه له فزع وخاصه انه على ابوب 38 ويحس انه كبر ولازم يلحق عمره وخاصه اننا ما تزوجنا عن حب حالنا حال خلق الله اما بالنسبه ليه ما يبادلني الحب فهو من النوع اللي لي بغيتي منه حاجه قال هذي الدنيا فانيه اللهم حسن الخاتمه واحنا عابرين سبيل ( يعني والله ما تعرفين وش يبي ووين مفتاحه) دائما اسئله انا بشنو مقصره معاك انته لازم تقول وش قاصرك علشان تنبهني يقول ما في شئ لكن انتن النساء ناقصات ( يعني شئ يفرك الكبد) اما بالنسبه عن هروبه من مسؤؤلياته اتجاه اولاده فهو من زمان اذا واجهته اي مشكله يحط راسه وينام ولا يبي اي احد يناقشه وبعدين هو دائما مديون ليه طبعا انا آخر وحده ممكن تساله ليش مديون وما يحب يفتح قلبه لي بالمره وهذي وصية خالتي (امه) له على حد زعمه

وانا راح اكون صريحه معاك ومع الاعضاء باي سؤال اللي الاقي حل نهائي وجذري

ومشكورين وبارك الله فيكم