اسمح لي اخوي صاحب رأي سديد بتعليق لأختي لولو
لولو يعلم الله اننك غالية علي ونفسي يجي اليوم اللي اتعرف عليك فيه بس في الجنة ان شاءالله
في الدنيا ماودي بلاش فضايح
ودايم لما اقرا ردودك والله العظيم ان فيها كثير من اللي يحصلي وساعات أبكي
لولو والله ان اخوي صاحب راي سديد موضوعه هذا قوي جدا.. وأثار نقاط كثيرة وقوية وبديت استرجع اشياء كثيرة بسبب الموضوع هذا.. الله يجزاه خير
ترى التغيير يجلب لك السعادة
اقولك شي تضحكين علي.. لما يمر علي موضوع خطبة ويتكنسل طبعا عقدتي الرؤية الشرعية على قولتك
اقعد يومين تقولين هذي مريضة نفسيا... بعدين شي جواتي يصحصحني يقول طز فيه ياشوبارد عيشي حياتك واستمتعي فيها روحته خيرة لك يمكن يجيك افضل منه.. واروح أسوي أي شي جديد علي عشان اثبت لنفسي اني ماهتزيت << تلعب على نفسها بس تحاول
مرة غيرت مفرش سريري .. والله احس بالسعادة اذا شفت ألوانه الجديدة
ومرة شريت جوال جديد.. ومرااااات اروح أقص شعري ومرة قلت للكوافير ة اذا تزوجت والله ماطب مشغلكم قالت ليه؟
قلت ماجيكم الا بوقت المصايب
والله يالولو اني مرة وانا اشتري جوال بس ابي انشغل فيه وافرح فيه والهى عن ضيقة الصدر شوي << على فكرة انا فيني طفولة شوي جوال بيضيع وقتي خخخخخخخخ
المهم والله وانا ادفع فلوس الجوال ان عيوني دمعت رحمت نفسي اقول ياشوبارد تلعبين على نفسك يعنني مسوية قوية ولاهمك..
انت انسانة غير مرغوووبة والله يالولو ماأنساها كان اللي يبعيني شاب يمكن بالثلاثين وماد يده وانا ماسكة الفلوس
ماعطيته اهوجس.. قال اختي لو سمحتي!!!
ارتبكت ومديت الفلوس له .. قال الله يفرج عليك كربتك
ومرة لما تكنسلت خطبة لبست نفس اللبس اللي طلعت فيه وقت الخطبة بدوامي أبي أثبت لنفسي ان مافيني عيب عشان توقف الخطبة لأني منقهرة
تفاجأت بالموظفات يمدحون اكثر من أي يوم ثاني وتحسرت اكثر لكن بقرارة نفسي قاعدة اثبت لنفسي اني قوية وانا جواتي أدري اني من اضعف الناس ومهتزة بعد
من ناحية تغيير الشكل أنا مثلك خايفة يقولون مسكينة ماتزوجت وتبي تتزين.. لكن تغيري بالتدريج تغيير بسيط يعني
وأثري على أخواتك بعد يغيرون من طريقة لبسهم مثلا عشان يصير تغيير جذري في بناتكم كلكم وبكذا محد راح يقولك شي .. تمويه يعني شرايك؟؟
والله يالولو ان باليوم الواحد اسعد 10 مرات وأحزن 20 مرة
حالي مثل حالك ويمكن أردى.. وتلاحظيني انت لما أكتب مواضيع
لكني احاول ياختي أحاول.
مهما كان فينا من هم وغم وضيقة صدر ومجتمع مايرحم وأحاسيس متعطشة ورغبات
نحاول نتغير لو بشكل بسيط نحسس انفسنا بأن لنا قيمة في الحياة
اشتغلي يالولو جربي ترى العمل يحسسك بقيمتك
ومع ذلك مالومك بللي كتبتيه.. انا لماتجيني حالة يأس شديدة تجي معي أفكاااااااار سيئة
قولي آمين يالغالية عسانا نفرح فيك ويارب تصيرين انت اول وحدة نقولها:14:
يله ودي افرح شوي ابي اقرا باركولي انخطبت باركو لي تملكت