أختى شوبارد

أولا شكرا لك وجزاك الله خير اللي سعيتى للبنيه بالملكه والله يتمم لهم بخير

وابشري بإذن الله مثل مايسرتي لها الخير وتسببتى فيه ان ربي بحوله وقوته

بيسهل لك اللي تيسر أمر زواجك باذن الله فلا يضيع عند الله شي 0

ثانيا لاتخافين حتى لو لم يتوفقوا لاسمح الله فلن يطولك إلا كل خير وعلى

نيتك ربي بيسترك وان شاء الله يسعدون بحياتهم ويدعون لك بحول الله 0

ثالثا اللي شافك مرتين وانسحب فكك الله منه يابنت الحلال وكل مايطرى على

بالك تذكري أن الله فكك من هالحفره اللي بغيتى تروحين فيها 0

بالنسبه للمعلمة لا انا مانى معك حتى لو كانت اخته ماهو مجرد تشابه اسماء والا

تقرب له ، مالها ذنب وكل انسان يمثل نفسه ياما في البيت اثنين اخوان واحد ما

يواطنه احد من قشره والثاني كل يحبه من طيب اخلاقه وماضر حداهم الاخر 0

طولى بالك ووسعي صدرك الدنيا الوان من الأسف والتعب ولون من السعادة 0

الله يوفقك ويسعدك يارب واسف لطول الرد ولك تقديري