اولا مبروك والله يوفقكم

ثانيا احسنت الأختيار لماليزيا بصراحه تستاهل

بالنسبه للنكاوى انا ارى ان 5 ايام كثير بس اذا انت حجزت وخلصت الله يهنيك

لنكاوى تصلح للاسترخاء لانها هادئه جدا وجميله وتصلح للعرسان الجدد

كل شى تبيه راح تحصله بالمكاتب السياحه ومنتشره واكثر الفنادق لديهم عروض سياحيه ومكتب سياحى ماراح تتضايق
ان شاءالله

وبالنسبه حق كوالا لامبور تقدر تروح حديقة الطيور ومصنع الكاكاو وحديقة الزهور وتقدر تروح رحلة سفارى

والمجمعات كثيره وكبيره جدا مثل مجمع البرجين تون تاور Klcc وبرجايا تايم سكوير فظيع وفيه كل ما تتمناه من الترفيه ومجمع ميجامول وصن واى لاجون

وذا تبى المطاعم العربيه تروح شارع العرب بوكيت بنتانغ فيه مطعم الطربوش ومطعم صحارى ومطعم الخيمه ........

وبالنسبه لجنتنغ تقدر تروح وترجع بنفس اليوم لأنها تبعد ساعه تقريبا بالتاكسى عن العاصمه كوالامبور وكنت اتمنى لو انك حجزت فيها عالأقل ليلتين لأن جوها عجيب وبارد.


ارجوا ان اكون نفعتك ولو بالقليل عن المعلومات اللى عندى عن ماليزيا من واقع خبرتى وسفرتى الى ماليزيا

واتمنى لك شهر عسل عسل