يا كثر ما تزاعلنا بس ما عمره قال لي روحي لاهلك او شيلي قشك مهما وصل به الغضب. اذا وصل الى قمة غضبه طلع من البيت و نام عند خوياه و هذا يخليني اندم و اعتذر منه حتى لو كنت غلطانة. مرة كنت مرة ميبسة راسي و ما ودي اعتذر ارسلت له رسالة قلت له خايفة انام بلحالي رد علي قال عسى السعلوة تاكلك و ما امداه عشر دقايق الا و هو طاب علي ما قدرت امسك نفسي من الضحك و هو بعد انفجر من الضحك يوم شاف ردة فعلي و مسك عصى و قال هاه وين السعالوة و صرنا صافي يا عسل.