المشاركة الأصلية كتبت بواسطة البحلة بالنفس

الحين ما يمديكم تسمعون واحد يشتكي من زوجته الا تقولون له تزوج عليها
ما عندكم وقت تفكرون في حل افضل؟؟
ياناس يقولكم زوجتي ماتهتم بشكلها ونظافتها تقولون تزوج عليها!
ليش بتوقف الحياة على هالنقطة؟! هو ما قال زوجتي لعابه وخبيثه ولا قال زوجتي تكره اهلي ولا قال زوجتي ما تهتم بدينها ولا اخلاقها.. هذي الاشياء صعب حلها لكن مشكلة زوجته بسيطه وحلها ابسط
ياناس حاولو تشغلون مخكم شوي الرجال يهزأها ويقولها لو انتي انخلقتي رجال كان احسن وش تتوقعون ردة فعلها؟ اكيد بتنفر منه فيه مليون اسلوب يقدر يغيرها فيه ومافيه وحده تبي زوجها ينفر منها بس يمكن هو تزوجها وهي صغيرة وتربت تربية شديدة شوي وماتعودت على كذا شوي شوي وتتغير بالتدليع والحنان والكلام الحلو
الكلام الحلو يلين الحجر لكن مع احترامي لبعض الاعضاء ما يميدهم يقرون المشكله الا يقولون تزوج عليها الزواج مب سهل
مسؤوليه وعدل وبيتين وزوجتين وعيال من كل جهه وظروف الحياة الحين صعبه وبعدين عمر الزواج ما كان حل
لو تزوج وحده ثانيه وطلع فيها عيب بتقولون تزوج ثالثه الى متى طيب؟؟
طورو عقولكم شوي وحاولوتبحثون عن حلول منطقيه لان الزواج والطلاق ما عمرهم كانو حل للمشاكل الا في حالات نادرة ومستعصيه