منتدى عالم الأسرة والمجتمع - عرض مشاركة واحدة - مدري متى سيكبر هذا المرااااهق

24-05-2006, 10:39 PM

خلك إيجابي !

قلب المنتدى النابض

تاريخ التسجيل: Jan 2006

المشاركات: 1,421

اقتباس:

المشاركة الأصلية كتبت بواسطة رواسن الحياة

لاني اخذت على نفسي عهد اني امشي معااااااااه بسياسة النفس الطويل

إختي رواسن ..
إستمري .. لكن جسي النبظ من كل فترة وفترة .. يعني صح ما يقدر يسألج ..
لكنه أكيد يدري مع التكرار إن السالفة فيها تعمد .. فبيغضب ولكن من دون كلام .. لأنج بهالطريقة تخربين عليه !
ويحس إن حد ماسك عليه شي (( هذا كله بيتخزن بعقله الباطن )) ..
غير انه ما يقدر يسألج فالغصة بداخله كبيرة .. !!

إختي أنا معاج باللي تسوينه 100% .. وإحساس الخيانة صعب ..
ومن حقج تدافعين ، ولكن خلج الأذكى .. حاوطي بكل اللي عندك ..
من أسلحة الدمار الشامل الأنثوية

اللي يسونها هذه النوعية القذرة اللي يتعرف عليها زوجج ..
لا تنتظرين تسإلينه (( عن الفرق بينج وبينهن )) ، لأنج بنفسج قلتي ما بتتناقشين معاه ..

بس اسإلي نفسج عن السبب اللي يخليه يدور هالشي برة ؟!
خلج محايدة ، وبمنتهى الصراحة

،ومنها بتعرفين سبب إن لم تكن أسباب .

وفي ملاحظة صغيرة بغيت أقولها :
أحياناً الرجل يخون من أجل الخيانة ، من أجل الممنوع مرغوب !! فقط لا غير ، فتنبهي يا غالية لهذه النقطة ، إحتمال وارد ما يكون تقصير .

ملاحظــــ أخيرة ــــــــة :
راقبي تصرفاته بهدوء وروية ، واحسبي من واحد لألف قبل أن تندفعي بسبب كم الظغط الهائل على أعصابك اللي لربما بينتابك فجأة
" من سياسة النفس الطويل " .

لأن أتوقعه بيستخدم طرق ثانية فانتبهي عليه .. وخلج معاه مب ضده ..

بالأخير يا غالية هذا ريلج ، وأنا أكيدة من إنج تحبينه وهذا الشي واضح ، فتحملي القليل من أجل الكثير !
وما أتوقع إن اللي يتعرف عليهن يستاهل إنج تتركينه لهم ..
صح ولا أنا غلطانة ؟

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!

التعديل الأخير تم بواسطة خلك إيجابي ! ; 24-05-2006 الساعة 10:41 PM