اخوي صاحب رأي سديد
موضوع رائع بارك الله فيك وجزاك خير
وحدة عمرها 32 تأخرت بالزواج وكانت مرة متضايقة
غير جميلة( فيها عيوب بسيطة ) وعيوبها تقدر تعالجها لكن ماشفتها مغيرة بنفسها ابدا
لكنها تحمل قلب كبير وطيبة الله يسعدها
المهم ماحد تقدم لها أبد.. بعد فترة تقدم لها واحد متزوج من 10 سنوات وماعنده اطفال وزوجته راضية طبعا عشان الذرية
ووافقت وجلست سنة كاملة وبدون حمل ويدها على قلبها خايفة
وحملت وجابت ولد وابوه طاير فيه وفيها ماشالله تبارك الله
انا صراحة اول ماسمعت خبر زواجها من متزوج ماجا في بالي السبب الأطفال.. قلت اكيد عشانها قليلة الحظ بالشكل قالت اكيد الشباب ماعندهم رغبة فيني
وزوجته الأولى ماشالله سيدة اعمال ومهمة جداا عايشة حياتها
يعني مافرقت عندها كثير اهم شي رضا زوجها.
فعلا كل تأخيرة فيها خيرة
ياعسى تأخرنا فيه خيرة من أمرنا..
ونقطة ثانية استفدت من السالفة أن المفروض كل امراة تهتم بعملها وتطور نفسها الواحد مايضمن نفسه
لما جا خبر زواج الرجل هذا تأملت بحياة زوجته الأولى.. ويوم شفتها قلت بنفسي بعذرها ماهتمت بزواج زوجها ماشالله
مهمة جدا ومهتمة بحالها وعلاقات اجتماعية كثييييييرة اعجبت فيها جداا.. الدنيا مافيها امان
وش يضمن لي يمكن اتزوج ومايمديني افرح الا وهو متزوج علي)
__________________
اللهم لك الحمد والشكر
"ولئن شكرتم لأزيدنكم"
التعديل الأخير تم بواسطة شوبارد ; 24-05-2006 الساعة 11:32 PM