بمرة قريت أخوي إن الشخص ياخذ من طبعه ، يمكن لأن هالشي طبع فيك فمأثر على الوجه خاصة ..!

يعني خلني أقولك مثال :
دايماً يقولون لنا لا تعصبون لأن تقوس الحيات (( الحواجب)) بيزيد وبتجعد ملامح الوجه بالتكرار بيستوي الشكل عبوس مع إنه غير ذلك ، وسبحان الله دايماُ النوعية اللي تغضب بسرعة من النظرة الأولى تحس إنها عصبية .. !
والشخصية الرومانسية تلقاها هادية وترمش بهدوء ، ونبرتها مختلفه فالجسم بطيبيعته تعود على الشيء هذا وبالتالي ملامح الوجه أخذت من حالتها النفسية !
وصلت المعلومة ؟!

خلاصة كلامي :
ربما مع الجانب اللين الطيب البشوش اللي فيك هناك جانب جاد و حازم !
وهالشيء عادي ناس وايد تكون طبيعة جذي ، وأنا وحدة منهم " عسب ما تحس إنك الوحيد " .

أريد أظيف لك شي كاره رياضيات ، تكلم مع الناس عن مايحبون هم تكسب قلوبهم في لحظة ، لأنك ركزت على اهماماتهم . !
إبدأها معهم عند أولى اللقاءات خاصة بعدما تعرف ما يحبون من خلال لقاءهم الأول ، بهذه الطريقة ، استخدم إشارات إيدينهم ،وطريقة جلوسهم ، وأسلوبهم في الكلام ، دائماً تلقلى لكل شخص " مفردات معينة يكررها " يعني في ناس تلقائم بعد كل كلمة يقول مثلاً طبعًا !!! خخخ ، أو تكون ردت فعلهم مثلاُ كلمة يكررونها ، خلنا نقول : شي طيب والله !!
فركز على هذي الكلمات منها تصل لقلوبهم في غمضة عين ! دايركت
هذا كلام مجرب مني شخصياً ، وسمعته من مختصين عالمين .

جررب مب خسرانين شي ، لأن النتيجة 100% أكيد بتكون لك .:14:

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!