منتدى عالم الأسرة والمجتمع - عرض مشاركة واحدة - أختي افتقدت أغلى صديقة لها فما النصيحة !

27-05-2006, 09:06 PM

خلك إيجابي !

قلب المنتدى النابض

تاريخ التسجيل: Jan 2006

المشاركات: 1,421

اقتباس:

المشاركة الأصلية كتبت بواسطة بنت الثويني

مشكووووره عزيزتي خلك إيجابي .. بصراحه أناما ذكرت الموقف بناءا على رغبه من اختي .. لكني استأذنتها الحين .. ياطويله العمر ..في عيد الفطر اختي اتصلت على بيت أهل صديقتها عشان اتعايد ام صديقتها وخواتها .. المهم إن اخت صديقتها قالت لها إن اختي عندنا فقامت اختي وقالت لها عطيني اسلم عليها .. المكالمه :

اختي : السلام عليكم
صديقتها وعليكم السلام .. (( بنفسيه ))
اختي: عيدك مبارك وعساكم من العايدين الفايزين
صديقتها:أيامك سعيده
أختي :شلونج وشلون ..حتى ما كملتها وقامت صديقه اختي وعطت السماعه لختها لصغيره حتى من غير مع السلامه .. طبعا أول يوم عيد .. وحاله اختي النفسيه تحــــــــــــــت الصفر من الموقف وصدمتها .. اختي تقول والله إني حسيت نفسي ساذجه غبيه سخيفه .. احتقرت نفسي على الحركه اللي سوتها فيني .. قلت لختي يمكن لها عذر على هالتصرف .. تدرين شنو ردت علي اختي ؟؟ ... تقول لما سألت اختها قالتلي إن اختي بصراحه ماتستحي على هالتصرف ماعليه مسحيها بوحهي ...تقول سألت اختي ليش سويتي جذي ردت عليها كنت مشغوووله حييييل وخفت إنها إطول معاي بالمكالمه من جذي سويت هالحركه ... فأختي تقول آنا مو ياهل عشان تعاملني جذي ولا إهي ياهل عشان اتسويلي هالحركه ... وإهي ماشافت مني إلا كل خير ليش تتصرف معاي بالسخافه والسذاجه هاذي!!!

خلك إيجابي اشرايج ؟؟

حبيبتي بنت الثويني ..
والله حاسة فيها ..
وااايد ناس تتغير بعد الزواج ، وأحياناً وقت الملجة ، لأن كل شي حولها يتغير ،
يعني البنت " الآنسة " تعيش بمسؤوليات أقل من الزوجة ، واختلاف في الإلتزامات ، فبالتالي في وقت الفراغ !!
وبعد المزاج يتغير ، وكذلك الشخصية ( تتمحور على حسب الوسط اللي أنا فيه ، واحتياجاته، يعني لو أنا مسؤولة عن بيت وزوج تلقيني غير عن إني مسؤولة عن نفسي ودراستي )

صح ؟
أنا معاج ، من المفروض ما نهمل جوانب ثانية مهمة بحياتنا مثل الصداقات

، بس أحياناً المذنب ما يعرف بخطأه أو بحجمه الفعلي ، إلا إذا الشخص تكلم معاه ،( وجهاً لوجه)فلازم تتخذ إختج موقف جيد من خلاله توصل لربيعتها إنها متضايقة لضعف العلاقة حالياً ..

أذكر لج موقف بسيط ، ( أنا سويته مع ربيعتي ) استخلصي منه درس مفيد لها

:

أحياناُ عندي ربيعة تكون قاعدة معاي وفجأة ( خطيبها ) يدق لها ، فكنت أعطيها راحتها تتكلم مثل ما تبى ، وأشغل نفسي بشي ، وبعد مدة إذا ما سكرت ، كنت أقوم من مكاني ،والحبيبة مندمجة ،وأسير أي مكان ثاني !!!
فهاللحظة تكتشف إني مب موجودة ، فتبدا تدور علي خخخخ ، وتتصل فيني ، وأنا

ما أرد عليها ، مكالمة ، مكالمتين الثالثة نعم ، تقولي خلك إيجابي ! والله ما حسيت ، أرد عليها : ما علي خذي لج بعد دقيقتين عن خاطرج

تسكت وشوي وتضحك ، يالله عاد لا تمين جذي أسفة آخر مرة

ومن بعدها توبة تسويها ..
* نستنتج من الدرس السابق ما يلي :
- نعم معذورة لكن( إذا كان صاحبك عسل لا تشفطه كله هههه)
- موقف واحد كفيل بأن يمد عمر جديد للعلاقة ، بمعنى إذا أنا سكتت بعد أكثر من موقف مب حلو ،وأنا أدري إن بإمكانها في هذي المواقف أن يكون أسلوبها أفضل مم كان ، إذاً أبدا أحط خطوط حمرا ،وأراويها إني جاعدة أحط ،
فإذا حست بغلطتها ، تنبهت للمرة الياية ،ودارت مشاعري ، ووضعت لي مساحة خاصة بي ، " لا أعني مساحة كبيرة مثل ما كانت لأن نكرر :
الوضع مختلف الآن !! فعلى الأقل مساحة على جدي

.

فالحين إختي ، طلبي من إختج تعزم ربيعتها بقعدة حلوة ، تتكلم معاها عن أيام أول المقالب اللي بينهم ، الذكريات الخاصة ، المصطلحات اللي كانوا يقولونها .
ومنها ربيعت إختج بترق ، وبتبدا تتغير ، لكن في الطرف الثاني لابد إختج أمي تحاول توازن ، إن لازم هناك فرق ما بين أول واليوم .

ونحاول نمشي المواقف الصغيرة مثل مسج ،ومدة مكالمة أو أو أو ...
الوضع صعب عليها ، أنا أكيدة لكنها من الأفضل أن تتأقلم عليه بدلاً من أن تتأقلم عليه وهي ما تريد أو غير مستعدة

طلبي من إختج إختي إنهاتتفق ويا صديقتها من كل مدة وأخرى ، يطلعون يتشرون مع بعض ، يتزاورون أكثر ، يتبادلون الهديا أكثر ، رحلات كذلك ، ويتواصلون كل ما لقت إخت ربيعتج فرصة ، أو عن طريق المسجات بالأوقات المتداولة المعروفة ( اللي يكون الزوج بالعادة برة ،وهي احتمال تكون فيها فاضية ) ، مثل العصر ، المغرب ، أوقات الصلاة ...الخ .

والله يديم المحبة مبينهم
:14:

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!

التعديل الأخير تم بواسطة خلك إيجابي ! ; 27-05-2006 الساعة 09:14 PM