اختي في الله ... ما ادري والله كيف ابدا ... بس بقولج الله يعينج على نفسج

انتي تقولين انج محتاجة علاج نفسي ... و تقولين ان شك زوجج و بعده عنج هو السبب .. لا اختي .. الشريفة بتتم شريفه مهما صار ..التعب النفسي مو عذر ولا سبب ... بعد زوجج مو سبب ... السبب انتي ...انتي هنتي نفسج قبل ما ريلج يهينج .. فلا تلومين الا نفسج


العتب ما بينفع الحين لان اللي صار صار ... بس بقولج شي عشار تريحين عمرج ... ريلج ما بيرد ...ولو رد لا تتريين منه اي احترام او حب ..لانه بصراحة لة ردلج بعد ما تكررت خيانتج يكون هو انسان غير محترم وساعتها المفروض تخافين منه


انتي تقولين انج تحبينه ... بس اللي صار منج مو تصرف وحدة تحب ... انتي خنتيه اول مره ... و كانت سوالف تلفون وبس ..بعدها خيانه بس اهون من الزنا ... و بعدها تميتي وياه سبع سنين و الله رزقج منه بعيال ... يعني الله حفظج و سترج و عطاج فرصة ثانية ...بس انتي رميتي هذا كله ورديتي خنتي ... وعذرج انه اهملج ... اوكي هو غلط فيج و اهملجو عرف غيرج فخنتيه ...بس خيانتج لربج شو عذرها؟؟؟ ليش ما فكرتي في دينج قبل ما تفكرين في الجرح اللي سببه له ريلج؟؟؟ شو عذرج جدام ربج؟؟؟ للاسف انتي ما ردج دينج ...في لبداية حبج لريلج على قولتج كان السبب في انج تصبرين على اهماله لج فيوم زاد الاهمال خنتي و زنيتي ... فاللي ما يرد دينه عن الغلط ..مايردونه خلق الله كلهم..

تبين الحل ...والله ما اظن في حل ممكن يخلي ريلج يسامحج ... لكن في حل ممكن يخلي الله يسامحج و هذا الاهم..اول شي و قبل اي شي اقطعي علاقتج البريال الي تكلمينه ...يعني لا طلعة ولا حتى تلفون ..و شلي الكمبيوتر من بيتج دام انج بعدج ضعيفة وممكن تغلطين ... ثاني شي فكري في اللي سويتيه و حسي بالغلط اللي صار .. لا تفكرين في تاثيره على زواجج و بس ..فكري اول شي انتي كيف غلطتي في حق ربج و دينج ..ساعتها بتبدين مشوار التوبه ...لكن هالمرة خليها توبه نصوحة صج ...مو توبه مشترطة بالظروف ..يعني تتغير الظروف تنسين التوبة!!

ردي لربج ..صلي وادعي و استغفري .. انسي ريلج و المشاكل اللي صايره وياه الحين ... اول شي فكري بتوبتج و كيف تخلين الله يغفرلج ...بعدها صدقيني لو الله سامحج و غفرلج و تاب عليج كل شي بيتصلح ..و لو ريلج ما رد الله بيصبرج و بيرزقج باللي احسن منه اللي تصونينه و يصونج ...لكن لو الله ما سامحج ما في شي في حياتج بيتصلح بالعكس بتطيحين في الغلط و الزنا و الحرام اكثر واكثر ..فردي لربج قبل اي شي ثاني



بالنسبة لريلج ..حاولي ما تتصلين فيه الحين ولا حتى تطرشيله مسجات ... اهدي و خليه هو بعد يهدا .. انتي تقولين انه بعده ما طلقج ..فلا تستفزينه عشان ما يطلق اذا انتي شايفه ان في مجال تردون ..اما لة تميتي تحنين عليه بالتلفونات و المسجات بيعصب و يطلق ....بعدين هو الحين اكيد ماله اي ثقة فيج .. ترا الريال حتى لو غلط او زنا بس ما تكون السالفة مثل ان الحرمة تزني ...و كفاية انه سامحج اول مرة ....فهدي نفسج الحين و خليه يهدا بعدين يصير خير


ما ادري شو اقولج بعد ...انتي تسالين اذا ممكن تردين حرمة شريفه بعد كل اللي سويتيه ... هيه صدقيني ممكن بس بشرط انج تردين لربج و تحسين بغلطتج في حق دينج و حق نفسج و حق عيالج و اهلج ..قبل ما يكون في حق ريلج

الله يهديج و يعينج على نفسج و يغفرلج اللي سويتيه

تحياتي