شكرا اخوي الزعيم عالموضوع ... و صدقت في اللي قلته ... بس انت تكلمت عن الحالات اللي يكون الطلاق بسبب الزوج و ما تكلمت عن الحالات اللي تكون الزوجة هي السبب و هي المخطئة

على كل حال ...الحالات تختلف و الاسباب تختلف .. و النتايج غالبا يتحملها طرف واحد بس و هو اللي انجبر على الوضع اللي صار فيه


المشكلة اخوي ان المجتمع ما يحاسب الريال ...ولا حتى يبحث في الاسباب ... المطلقة دايما متهمة و غالبا الاتهام يمس عرضها و شرفها .. وللاسف .. نظرة المجتمع هذي مو سببها الرجل فقط ..لان حتى الحريم ينظرون للمطلقة على انها انسانة مخطئة ارتكبت شي استحقت عليه الطلاق فلا يجب مسامحتها او التقرب اليها ... بالعكس تحصل بعض الحريم اذا وحدة من صديقاتهم اتطلقت يبعدون عنها خوفا على ازواجهم .. باعتبار المطلقة امراة لعوب ممكن تخطف الزوج

تبغي دليل بعد ... افتح اي قناة تلفزيونية من هاللي حاطين شات بار طول اليوم ... اقرا بعض المسجات و شوف كم منهم يدورون على مطلقة للصداقة .. على اساس (و بكل صراحة) ان المطلقة جربت الرياييل و الجنس فسهل ان الواحد يتعرف عليها و يزني وياها مو مثل البكر اللي ممكن تخاف على عذريتها ... صح ولا انا غلطانه؟؟؟؟

فما اقول الا حسبي الله و نعم الوكيل .. و الله يستر علينا و على أمة محمد