اختي ام سليمة .... خذي بنتج عند دكتورة خلها تفحصها .. انا اللي خايفة منه ان لا قدر الله يكون حد لمسها و علمها على هالسوالف .. لان بنت خمس سنين شو دراها بهالسوالف ولا انها تفرح .. الله يستر عليها يارب ... والله الاحسن تودينها لدكتورة و تتاكدين قبل فوات الاوان لان المشكلة يمكن ما تكون يت من الروضة ... اتاكدي احسن و الحين هي صغيرة و ممكن اشياء وايج تتصلح او ممكن تتجنبينها ... اتاكدي اول


بعدين اذا طلع ظني غلط (و ان شاء الله اكون غلطانه) يودي بنتج و بهدوء اعرفي منها من و كيف و متى اتعلمت هالشغلة ... بعدين حاولي تشغلين وقتها بنشاطات مختلفة و لا تخلينها بروحها في غرفتها خلي عينج عليها طول الوقت .. حتى لو دخلت الحمام لا تخلينها تطول زيادة عن اللزوم و راقبي ملابسها الداخلية ... ترى هالعادة لو استمرت وياها لين البلوغ خلاص ما بتقدر تهدها ...

اذا حاولتي و بعد فترة حصلتيها مستمرة شوفيلج دكتور نفساني و خذيها عنده بس المهم لا تتهاونين ولا تخلينها تستمر عشان ما يصير اللي اخطر منها..

الله يستر على بنتج و على بناتنا و يحميهم من مصايب هالزمن