المشاركة الأصلية كتبت بواسطة *&* لولو *&*

لاحول ولاقوه الا بالله

الله يعينك ويصبرك اختي بحور الصمت ....

عندي احساس انه يبغاك فعلا والا كان طلقك من غير تفكير

هو مشكلته وحده من الثنتين .. مثل ماقلتي انه مسحور او والدته الله يسامحها ويهديها مأثره وضاغطه عليه ....

اذا كانت امه امرها يهون بأذن الله حاولي تقنعيه انه شي غلط اي احد يتدخل بين الرجل وزوجته .. والأفضل له يمسك العصا من الوسط .. يرضى امه ويقنعها انه يبغاك ومتمسك فيك ....وانتي حاولي تساعديه بالشي هذا ...

توددي لأمه .. اعطيها هدايا .. سمعيها كلام حلو ... عندي احساس اذا رضت امه راح يرضى هو عليك ...
لأنه اسمحي لي بما انه يمشي على هوى والدته شخصيته ضعيفه وراح يتغير اذا هي تغيرت ورضت عليك وطلبت منه يتغير ...

لاتهتمين بسالفه انه تزوج او لا ... لو كان تزوج مااظن يرجع لك او يفكر يرجعك .... يمكن هذا كلام قالته امه عشان يأثرون عليك ... سياسه جدتي كذا مع عيالها .. اذا وحده من حريمهم تزاعلت مع ولدها طلعت اشاعه انه متزوج ...
انسي الموضوع هذا ولا تفكرين فيه .. على الأقل حاليا ....حتى لو كان صحيح تجاهليه في الوقت هذا ...

واهم شي .. اذا انتي تبغينه وتبغين ترجعين له ومتمسكه فيه ولا تبغين الطلاق بالرغم من كل اللي سببه لك من تعب ومآسي ارجعي له وحاولي ترجعين له ... طي نفسك وعطيه فرصه ثانيه ...

القرار لك وانتي ادرى وحده بحالها واللي صار لها والقرار الصحيح اللي لازم يتخذ لازم يكون منك انتي ...

وادعي له ولوالدته بالهدايه والصلاح ....

الله يفرج كربتك ويصلح لك زوجك ويألف بين قلوبكم .....