اختي زينة الحلوات .... و الله موضوعج آلمني و حسيت فيج .. لاني مريت مع زوجي بتجربو مشابهة ... لانه طلقني و كان الغلط منه بس انا ما حبيت اتكلم عنه السوء قدام اي حد ولا حتى اهلي ... و في نفس الوقت حصلت الكل حاط اللوم علي حتى اهلي و قالولي اكيد شاف منج شي خلاه يطلق ... و الحمد لله الله جازاني على ستري لزوجي و صبري عليه و ردينا لبعض و صارت حياتنا احسن ما يكون و لله الحمد ... و انصحج انج انتي بعد تسكتين و تصبريت و تحتسبين الاجر و الثواب عند الله ... هالانسان كان في يوم من الايام زوجج مهم كانت غلطته في حقج و اساءته لج اصبري و الله ما بيضيع صبرج هذا ان شاء الله

لو تكلمتي و فضحته ما بتستفيدين شي .. اللي يبغي يشك فيج او يتكلم عنج بيتم على رايه مهما قلتي .. سواء اهلج او الاغراب .. فاصبري احسن و ان شاء الله ربج بيجازيج بالخير و بيعوضج عن اللي احسن منه ...

خلي قلبج مع الله و اخفي دموعج بالابتسام عشان ماحد يشمت فيج .. لانج مهما تكلمتي ماحد بيحس بعذابج و حرقتج الا انتي ... فلا تشمتين حد فيج و اللي صار صار و انتهى ... ادعي الله يجازيج بالخير و يعوضج ان شاء الله

تحياتي لج