ما شاء الله عليج اختي ام البنين .. الله يكملج بعقلج و يديم عليج و على اسرتج السعادة و الهنا يارب .. ويصلح ظروفكم ان شاء الله و تعيشون بخير و نعيم
صدقتي اختي... الرومانسية ما تيي بثوب جديد و لا بسفرة كل سنه ولا بهدايا بمناسبة و بدون مناسبه .. الرومانسية اساسها الرضا بمن نحب و باللي الله كتبه لنا و انا نعيش حياتنا مثل ما الله قسمها لنا و نستغل كل لحظه عشان نذكر نعمة الاستقرار اللي الله انعم علينا بها ... الله يجزيج خير على كلامج الطيب عسى بعض الاخوات ياخذون به و يخلون الشكوى من الاوضاع المالية الصعبة عند ازواجهم .. يعني هالحريم اللي يوصل بهم الحال انهم يطلبون الطلاق من ازواجهم لمجرد ان الزوج ظروفه المادية تعبانه و مو قادر يوفرلها الكماليات الموجودة عند خواتها او عند صديقاتها .. هالحريم وين عقولهم؟؟ ياريتهم يقرون الكلام اللي كتبتيه
تحياتي لج اختي و الله يباركلج في زوجج و عيالج (آمين يا رب)