زوجي لم يعد يقول عبارات الحب كالسابق
أنا ملكت ( كتب كتابي ) منذ 8 اشهر وانا مقبلة على الزواج في شهر 7 ان شاء الله
انا وريلي ( زوجي ) تعودنا على اظهار مشاعرنا لبعضنا البعض وتبادل كلمات الغزل اكيد .. ما اخفيكم اني انا احبه وهو يبادلني نفس المشاااعر ..
المشكله ان مؤخرا قمت انا بس اللي اظهر مشاعري اقووله يوميا ( احبك ، فديتك ، تولهت عليك .... ألخ )
وهو طبعا بس يرد بنفس الكلمة والا يقول وانا بعد ..... يعني ما يبدأ
الصراحة مب عارفه شو فيه... اهو يوم ما اتصل فيه يتجنن ، ويوم اكلمة ببرود يقولي شو فيج اليوم...
مب عارفه تعتقدووون الريال مل من كلمات الحب والا يتغلا ؟؟؟؟؟؟؟؟؟
انا اعرف ان البنات يتغلون مب الشباب
وشو نصيحتكم لي في احد مر بنفس التجربه ؟؟ وكيف اتصرف
ملاحظة : زوجي في بدايه الزواج اهو اللي عودني على هذا الشيء يعني انا مب جريئة بطبعي اهو اللي خلاني اعبرله عن مشاعري