السلام عليكم
تدرين يا اختي اني اقرأ مشكلتك وانا ابكي تدرين ليه ؟؟؟؟؟؟؟؟

لاني ضحية زعل امي وابوي لمدة 10 سنوات تضمنت طفولة ومراهقة ... وشوفيني الحين مليانة عقد شي قدرت اتخلص منة وشي الى الان ملازمني رغم ان عندي عيال يبيلهم ام سوية تربيهم زين .....

مع العلم ان لا امي ولا ابوي شينين بالعكس ابوي احسن واعظم رجال شفتة بحياتي يخاف الله فينا وبأمي رغم انه حتى ما يشوفها كل منهم بعالمة وبجناحة ما عمرنا قعدنا مع بعض ابد .. كان حتى مصروفها يرسلة لها مع اختي الكبيرة

وبما اننا كبرنا وتربينا على هالشي على بالنا كذا الحياة الطبيعية و النتيجة : مع الاسف اختي الكبيرة فشلت بزواجها وتطلقت مع ان العيب من زوجها كان مدمن و دايما يضربها لدرجة انها اجهضت مرتين بس كانت صابرة لمدة 3 سنوا ت ولا قالت لاحد عشان ما ترجع لحياة البؤس اللي ببيتنا ..

وانا الحين دايما خايفة ولاني قادرة اكون سعيدة بحياتي رغم اني احاول . ثقتي بنفسي ( صفر ) رغم معرفتي اني مو ناقصني شي ابد والحمد لله

أما اخواني الاولاد فما نشوفهم ابد دايما برا البيت اذا عصب ابوي عليهم جو شوي وبس ينام ابوي هجو من البيت ....

أمي انسانه كئيبة ما فية مرض الا جاها بس تهاوش وتنفر الناس من حولها حتى عيالها اقرب الناس لها والحين وحدتها ذابحتا حتى بوجودنا حولها ما تتحملنا لاننا سبب بصبرها على ابوي بزعمها وتضييع شبابها واحلى سنين عمرها

علما بأننا كلنا ناس طبيعيين ولله الحمد محد فينا مدمن او مريض نفسيا مثل زوجك ...................

أختى أنا قلت لك هالاحداث كلها عشان تسألين نفسك هل هذا وضع أو حياة طبيعية ؟؟؟؟؟؟؟؟
إلى متى بتضلين صابرة عشان العيال ؟؟؟ لو فكرتي زين راح تلاقين انة دام ما فية امل للصلح بأي وسيلة من الوسائل اللي ذكروها الاخوان فما لك الا ( حكم من أهلك وحكم من أهلة ) وانا واثقة ان اهلك مستحيل يرضون هالعيشة لبنتهم ...

برأيي الحل هو ( الطلاق ) ولا تخافين على عيالك بما ان ابوهم بخيل ولاهم اكبر همة راح يتركلك اياهم .. ترا من مصلحتهم ( بالذات اذا عندك اطفال ) انهم يربون ببيئة طبيعية نوعا ما .. يشوفون قدامهم ناس يصلون ويعبدون ربي ... يطلعون ويغيرون جو .... و صدقيني ان زوجك بترغمة المجكمة على النفقة فلا تشيلين هم الفلوس ....

وقبل لا تقدمين على اي خطوة صلي استخارة اكثر من مرة واحرصي على ان تكون في اوقات الاجابة و فكري بعقلك مش بقلبك وانا واثقة ان الله بيهديك للصواب ...........

اسال الله انه يزيح عنك الهم ويجعل لك من كل ضيق مخرجا ويرزقك من حيث لا تحتسبين

أختى طمنيني عليك بليز خبرينا شيصير معاك لان موضوعك من جد يهمنا ..........