منتدى عالم الأسرة والمجتمع - عرض مشاركة واحدة

01-06-2006, 04:29 AM

#37

ليدي سوفت

قلم مبدع

تاريخ التسجيل: Mar 2004

المشاركات: 863

ما اقدر ما اكتب عن هاليوم لانه حلمي
وبالرغم من فقدي للامل انه يكون بالصورة اللي اتمناها

لكن الحمدلله مادام الله انعم علي بوظيفتي وعندي فلوس
حتى لو تزوجت من متزوج او شخص لا يقدر على اقامة حفلة زفاف

سأقيمها بنفسي وعلى نفقتي ماراح احرم نفسي من الفرحة

لان هاليوم لست وحدي من انتظره بل الجميع ينتظره
والله ما ابالغ ان قلت كل من عرفتني ولو لفترة قصيرة تطلب مني وبالحاح ان اعزمها على حفلة زفافي
تقولون نتمنى ان نراك في هذا اليوم لاننا نحس انك ستكونين مميزة

لذلك

سأحجز صالة زفاف وبوفيه وطقاقة اسلامية ( طار فقط)( من حسابي طبعا اذا المعرس ما قدر( واللي اظن انه راح يكون متزوج والعادة المتزوجين مايسوون حفل زفاف )

لن اترك احد الا وعزمته( وراح اقول لهم اني سأدخل الصالة ولكن لن ادخلها)

ماادري لكن انا مااحب الزفة ولا سوالف دخلة العروس( دخلة الف ليلة وليلة والدخلة الرومانية والدخلة الفرعونية ودخلة مدري شنو ( احسها خرابيط وتفاهة)

هناك غرفة داخل صالات الافراح سأاضع فيها الكوشة ولن يدخلها الا ااهل المعرس والعروس فقط ( يعني اقارب من الدرجة الاولى )
والحلو في الغرفة انها صغيرة يعني اهم شي انا والمعرس وخواتي واهل المعرس

الباقي ما ابيهم يدرون عني ابي اخليهم بالصالة يرقصون على كيفهم
مو مشكلة اذا دروا عني يمرون يسلمون علي بالغرفة وبعدها يردون للصالة
طبعا الغرفة اللي راح تخليهم يردون للصالة غصبن عنهم

لانها صغيرة يكفي يسلمون ويباركون

وراح اسوي شريط فيه شعر وكم اغنية للطقاقة بس طق اسلامي حق دخولي ودخوول المعرس للغرفة وكم اغنية للطقاقة يرقصون خواتي جدامي قبل لا يجي المعرس)
وراح يكون التصوير فيها

بعدها نطلع من الصالة مباشرة الى الليموزين

انا خاطري اركب ليموزين طويييييييييل ( انا راح احجزه على حسابي ( اختي سوت جذيه)بس خربوا عليها ام وابو المعرس اركبوا معاهم ) خخخخخخخخخخخخخخ

لو تشوفون الليموزين خيااالي

وهذي السيارة من الداخل( تشبه اللي راح احجزها)

وله سواق خاص راح اعطيه العنوان قبلها

يعني بس انا والمعرس في الليموزين( والباقي بررررررررره)

ويارب يكون البيت بعيد شوي عن الصالة
علشان نطول بالقعدة بالليموزين

راح اكشف غطا الوجه بالليموزين لانه مغطى حتى السايق ما يقدر يشوف
ودي يسولف لي شوي ويقول لي كلام حلو

اما اختي وخالتي راح يلحقونا بسيارة ثانية

الى ان نصل الى بيت الزوجية

( انتهى الحفل)

بس يارب ما تفضحني دموعي لاني احس انه حلم وما اعتقد راح يصير ويمكن من الفرحة تنزل دموعي

ايه صج بالنسبة للسفر
اتمنى يكون فيه سفر
بس هذا على كيف المعرس واذا ما يبي مو مشكلة ( راضين بس خلوه يجي بس ومانبي الا شوفته)

احد اللي اخطبوني كان مخطط نسافر بشهر العسل الى خمس دول وكنت فرحانه بهالشي
بس النصيب طاااااااااار وعسى الله يعوضنا بخير منه

__________________


	فضلا " وليس "أمرا" قل: (حسبي الله الذي لا اله إلا هو عليه توكلت وهو رب العرش العظيم) سبع مرات أتعرف ماذا حصل: من قالها سبع مرات كفاه الله عز وجل ما أهمه من أمر الدنيا والآخرة المرجع: زاد المعاد" (2/342