اقول اخوي العزيز صاحب المشكلة.. اعتقد لو انك تدور بنت الحلال وتشيل من بالك الافكار السوداوية واجد احسن واكيد بترتاح..
مو بالضرورة كل بنت تدور الرجال الغني.. وانت دائما قدم الخير وبعد الشر , وخل ثقتك بالله وأملك فيه كبير لأبعد الحدود وما خاب ولا ضاع من توكل على رب العالمين..
اخوي وجه الحقيقة احسك واجد متشائم اكثر من اللازم.. وانت تقول انه اللي يقول ندور لبنتنا رجال كلها شعارات كاذبة... اقول كلامك مو كله صحيح.. واجد ناس اعرفهم كان بس همهم الستر لبناتهم..

والله انا عن نفسي مو عن مدح في روحي بس لما انخطبت رجعت لزوجي المهر كله,, وسويت لي حفلة بسيطة جدا جدا كل تكاليفها ما تعدت 500 دينار (5000 ريال),, ولا يوم تزوجت ما اشتريت ولا قطعة ذهب وحدة قلت كل شي ولا زوجي واضايقه بالمصاريف.. والحمدلله تم زواجنا واحنا طايرين من الفرح وللحين مرتاحين مع بعض رغم إن الله ما رزقنا للحين بالذرية, لكن ولا تغيرت نفسيتنا..
ولا من قبل كم يوم كان عيدميلادي واشترى لي زوجي سلسة ذهب وقال لي والله لو املك الدنيا عطيتك اياه ياللي بعتين الدنيا لأجلي...

الخلاصة كلها إن الانسان يسعى ويدور النصيب ويخلي كل امله وحموله على رب العالمين... لأن الدنيا ما خليت من الطيبين...