تدري عاد وش رايي
انا في مثل عمرك تقريبا
ومثل حالتك
صحيح مو ناقصني شي الحمد لله
بس العمر يحكم
يعني مايتقدم لي من أقربائي إلا المتزوجين وارفضهم
أصلا حتى أخلاق مافيه عشان أتشجع وأوافق
استغفر الله
المهم
بالصدفة طلعت زميلة لأختي تعرف خطابة ودلت الخطابة علينا
وياليتها مادلتها
أذتنا أعوذ بالله منها
والله إني كرهت هالخطابة كره وكل الخطابات
كل همها تربح من ورانا
ماتفكر في غير كذا
تخيلي تدق علينا تكلمنا عن خطاب
ولما نسأل عن اسمهم ومواصفاتهم عشان نبحث عنهم تخربط علينا وماتعطينا معلومات كاملة
مقطعة وناقصة
تقول بنجيكم
نقول لها كيف تجين
لازم اول نسأل مو تجين معهم واحنا ماندري يصلحون لنا أو لا
وتصر على رايها
وتجي مع أهله
وكل مرة الحين لها تقريبا فوق الثلاث مرات
تجيب لي أردى الخلق
آخر مرة
جابت لي واحد واضح إنه داشر بقوة
ورايح فيها
وخريج سادس ابتدائي
ومدمن دخان من صغر
يعني من جد
سخيفة
تحرجني بس مع أهله
والله بغيت أبكي وأنا يمهم من القهر
بغيت أقول لها قدامهم وش شايفتني بايرة لهذه الدرجة
أوافق على أي شخص ؟؟؟؟
الحين أرفض الي من لحمي ودمي عشان الأخلاق
اقوم أقبل بالغريب
وبس من يومها
قلنا لها لاعاد تجين ولا تدقين
ومرة المدرسة الي مع اختي نفسها دقت وجابت عريسين من اهلها
والله رفضت من غير ما اسأل عنهم
أحس كل شي من طرفها مو زين
والحين صرت أحرص على الحضور بشكل قوي وجميل في أي مكان أروح له
وأحاول أختلط بالمجتمع
وبس
مابي خطابات تعقدت مرة
إذا لي نصيب بيجي لحد عندي بلا خطابات بلا هم
كذا أريح
بعدين ليه ماتقوولين لها تجيب لك عازب
ترى فيه رجال بالهبل متأخرين في الزواج
وانت توك مو كبيرة مرة يعني عشان تيأسين ياخذك عازب !!
وعموما الزواج قسمة ونصيب
مهما تهيأ لنا إننا نقدر نتحكم فيه !!!
والله يوفق الجميع