أنا طفلي عمره ثمانيه أشهر وأن شاء الله ما أضربه

لأني بصراحه ضد الضرب

وعمري ما ضربت لأني ما أعرف أمد أيدي

حتى لما أتهاوش مع خواتي لما كنت صغيره ما كنت أمد يدي

المهم الطفل لازم ينعطي حنان في السنتين الأوائل ولا نمنعه من شي ولا نوجهه لأن ما يفهم

يعني نبعد عنه الأشياء إلي تضره

مثلا ليش نحط قدامه فازه ونقول له لا تلمسها , وبعدين يلمسها ويكسرها

وأنتي تقومين عاد تكسرين ما تبقى من الفازه على راسه

بعد السنتين يبدى التوجيه مع الحنان دايماً ومشاركة الطفل في اللعب

لازم الأم والأب يكونون قدوة لطفل أولاُ

لا تقولين له لا تعمل كذا راح يعاند

مثلاً تقولين له لا تطلع برا

راح يمسح كلمة لا ويسمع بس كلمة تطلع برا وفعلاً راح يطلع

ألعبي معاه شاركيه وكلميه واحتويه وتنزهي معاه

لا تضربينه لأن راح يعاند وراح يكرهك مع الوقت

علميه الفعل الصحيح وقوليله الشي وانتي تناظرين في عيونه

واذا ما طاعك أجلسيه على كرسي في غرفه , دقيقة لكل سنه

مثلاً عمره 3 سنوات 3 دقايق

اذا قام من الكرسي رجعيه حتى يعتذر ويفهم الغلط

لا تعلي صوتك عليه وكوني حنونه وكلميه وحاوريه دايماً

ولما يكبر كوني صديقته

__________________

Yellow