أولا أشكرك ياخوي على الموضوع المهم.
اذا كان قصدك إن البنت ماتتزوج الا من نفس القبيلة فهذا موضوع أتوقع انه تلاشى أوكاد أن يتلاشى لأن الحاصل الآن قليل اللي تلقاهم يشترطون ان يكون من نفس القبيلة وأنا من المحيط اللي حولي ماعمري سمعت شخص اشترط ان الزوج يكون من نفس القبيلة أنا تميمي وخواتي كلهم متزوجين من عيال قبايل ثانية غير تميم

أما إذا كان قصدك أن البنت القبيلية تتزوج من واحد غير قبيلي فهذا مرفوض بقوة من المجتمع وأغلب الناس لايقبلون أن يتنازلون عن هذا الشرط أبدا والغريب أنه يوجد تناقض عجيب جدا تلقى الواحد اذا جى ياخذ بنت غير قبيليةمن بنات البلد يقومون عليه جماعته ويعارضون لكن لو راح أخذ له وحده سوريه ولا مصريه ولا حتى هندية مايعرف وش أصلها ماتلقى ولا واحد يعترض عليه .
الموضوع صراحة صعب ومعقد جدا وحتى لو جاء شخص وقال أنا ماعلي من هالعادات الباطلة وتزوجلة وحده غير قبيلية تجد انه راح يواجه اشكالات اذا جاء وقت زواج عياله لأن كثير من اهل القبايل يمكن يرفضون انهم يزوجون شخص خواله غير قبيلين لكن في المقابل ماتلقاهم يفكرون في الشي نفسه عندما يكون خوال الشخص من غير اهل البلد حتى ان شاء الله لو يكنوا خواله بنقاليين مايعارضون . يعني ماتأتي المعارضه الا اذا كان غير قبيلي ومن اهل البلد